شىمكەنت قالاسىنا  ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا كەلدى، دەپ جازادى Qamshy.kz اقپارات اگەنتتىگى.

قازاقستاندا 2018 جىلى ەنگىزىلەتىن جاڭا فورماتتاعى الەۋمەتتىك كومەك كورسەتۋگە دايىندىق بارىسىمەن تانىسۋ ءۇشىن سۆەتلانا جاقىپوۆا شىرايلى شىمكەنت قالاسىنا كەلدى. 

وبلىستىق اكىمدىكتە وتكەن ماجىلىستە وسىناۋ ماسەلە جان-جاقتى تالقىلاندى. وندا ءتيىستى كومەك كورسەتەتىن سالا قىزمەتكەرلەرى مەن مەكەمەلەردىڭ ازىرلىگى پىسىقتالدى.

الداعى جىل الەۋمەتتىك سالا قىزمەتكەرلەرى جاڭارتىلعان جۇيەدە ۇسىنىلاتىن الەۋمەتتىك كومەك كورسەتۋگە ساقاداي ساي دايىن بولۋى ءتيىس.

سالا باسشىسىنىڭ سوزىنە سەنسەك، وسىناۋ كومەككە مۇقتاجدار سانى كەلەسى جىلى 300 مىڭعا جۋىق. ولاردىڭ 74 مىڭى شارتسىز، 222 مىڭى شارتتى الەۋمەتتىك كومەكپەن قامتىلادى دەپ كۇتىلۋدە.

بۇگىنگى تاڭدا اتقارىلىپ جاتقان جۇمىستارمەن تانىسۋ  ءۇشىن سۆەتلانا جاقىپوۆا الەۋمەتتىك مەكەمەلەردى ارالىپ كوردى. ونىڭ ىشىندە جۋىردا عانا اشىلعان شىمكەنتتەگى №1 ارناۋلى الەۋمەتتىك قىزمەت كورسەتۋ ورتالىعىنىڭ قوسىمشا 110 ورىندى عيماراتى. مۇندا 18 جاستان اسقان پسيحو-نيەۆرولوگيالىق اۋرۋلارى بار ءى جانە ءىى توپتاعى ازاماتتار ارناۋلى الەۋمەتتىك قىزمەتتەرمەن قامتاماسىز ەتىلەدى. 

ءوزىنىڭ شىمكەنتكە جاساعان ساپارى بارىسىندا سۆەتلانا جاقىپوۆا جوبانى وتكەن جىلى ءساتتى جۇزەگە اسىرعان ارىپتەستەرىنە سەنىمىن ءبىلدىردى.