سەمەيدەگى «روزا» كيىز باسۋ فابريكاسى «التىن ساپا» سىيلىعىنا ۇسىنىلىپ وتىر، — دەپ جازادى Qamshy.kz اقپارات اگەنتتىگى. كاسىپورىن قۇرىلعان ساتتەن باستاپ كوپتەگەن وزگەرىستەرگە، داعدارىستار مەن رەفورمالارعا تاپ بولدى. الايدا، كومپانيا بۇل قيىندىقتارعا قاراماستان كوپتەگەن جەتىستىكتەرگە جەتتى – ونىمدەرى رەسپۋبليكادا عانا ەمەس، تمد ەلدەرىندە دە سۇرانىسقا يە.

«روزا» جك-ى 1991 جىلى دانەكەرلەۋ اپپاراتى بازاسىندا نەگىزىن قالاعان. التى جىلدان كەيىن «روزا» جك «كيىزدەن جاسالعان بۇيىمدار» ۇجىمدىق كاسىپورنىن ساتىپ الادى. كاسىپورىن سىن كوتەرمەيتىن جاعدايدا ەدى: ءوندىرىس تەحنولوگياسىن وزگەرتىپ، سەحتاردى قايتادان جوندەۋدەن وتكىزىپ، جابدىقتاردى جوندەۋ جانە اۋىستىرۋ جۇمىستارىن جۇرگىزۋ قاجەت بولعان.

قىسقا بولعانمەن كاسىپورىن ءۇشىن وتە قيىن ۋاقىتتا «روزا» ءجشس-ى ۇلكەن جەتىستىككە قول جەتكىزىپ، العا قويعان ماقسات پەن مىندەتتەردى ورىندادى. 1999 جىلى كاسىپورىن جوعارى ساپالى تۇتىنۋ تاۋارلارى ءوندىرىسى ءۇشىن ديپلوم جانە ەستەلىك مەدالىمەن ماراپاتتالدى.

بۇگىنگى تاڭدا «روزا» كيىز باسۋ كومبيناتىنىڭ ونىمدەرى رەسەيلىك كاسىپورىندارمەن عانا ەمەس، شەتەلدىك كاسىپورىندارمەن دە باسەكەلەسەدى. كومپانيا ءارتۇرلى كيىز اياقكيىمدەر، ۇلتاراق، باسكيىمدەر مەن قولعاپ، دانەكەرلەۋشىلەر مەن بولات قورىتۋشىلارعا ارنالعان جۇمىس كيىمدەرىن شىعارادى. وندىرىستەر مەن مال شارۋاشىلىعى نىساندارىن، اۆتوكولىك، قۇبىر جەلىسىن جىلىلاۋعا ارنالعان تەحنولوگيا مەن ونىمدەردى شىعارۋ ۇنەمى جەتىلدىرىلىپ وتىرادى.

بۇگىنگى تاڭدا باسەكەگە قابىلەتتىلىكتى ارتتىرۋ ءۇشىن كاسىپورىندا ونىمدەردىڭ جاڭا ءتۇرى شىعارىلادى.

«ۇزدىك تاۋار شقو – 2015» نوميناسياسى بويىنشا «روزا» كيىز باسۋ كومبيناتى تالماي ەڭبەك ەتۋدىڭ ناتيجەسىندە ەڭ ۇزدىك كاسىپكەر دەپ تانىلدى.