بۇگىن قالا مەديسينا قاۋىمداستىعىمەن وتكەن جيىن بارىسىندا الماتى اكىمى باۋىرجان بايبەك دەنساۋلىق ساقتاۋ باسقارماسىنىڭ جاڭا باسشىسى سەرىكبول مۋسينوۆتى تانىستىردى.

جيىن بارىسىندا الماتى اكىمى دەنساۋلىق ساقتاۋ باسقارماسىنىڭ 2016-2017 جىلدارى ارالىعىندا اتقارعان جۇمىستارىنىڭ قورىتىندىلارى تۋرالى ايتتى، دەنساۋلىق ساقتاۋدىڭ نەگىزگى كورسەتكىشتەرى بويىنشا وڭ ديناميكاعا قول جەتكەن. مىسالى، بالالار ءولىمى 2،5 ەسە تومەندەگەن، تۋبەركۋلوز سىرقاتىنا شالدىققانداردى امبۋلاتوريالىق ەمدەۋ 2 ەسە وسكەن. بۇل وسى سىرقتاتتان قازا بولعاندار قاتارىن 36%-عا ازايتقان. قالا تۇرعىندارى اراسىندا تىنىس الۋ ورگاندارى كەسەلىنەن، جاراقات الۋدان، جۇقپالى اۋرۋلاردان قازا بولۋ كورسەتكىشى تومەندەگەن.

«ەكى جىل ىشىندە دەنساۋلىق ساقتاۋ سالاسىن قارجىلاندىرۋ ايتارلىقتاي ءوستى. دەنساۋلىق ساقتاۋ سالاسىنىڭ 7 وبەكتىسى ىسكە قوسىلدى: 2016 جىلى 3 نىسان، 2017 جىلى 4 وبەكتى پايدالانۋعا بەرىلدى. بيزنەستىڭ الەۋمەتتىك جاۋاپكەرشىلىگى اياسىندا №36 قالالىق ەمحانا جەكە ينۆەستوردىڭ قارجىسى ەسەبىنەن تولىق ىسكە قوسىلدى. 2017 جىلى دەنساۋلىق ساقتاۋدىڭ 9 جاڭا وبەكتىسىنىڭ قۇرىلىسى باستالدى. قالاعا قوسىلعان ەلدى مەكەندەردى مەديسينالىق ينفراقۇرىلىممەن قامتۋعا ايرىقشا نازار اۋدارىلۋدا»، - دەپ اتاپ ءوتتى باۋىرجان بايبەك.

2016-2017 جىلدارى مەديسينا ۇيىمدارىن جابدىقتاندىرۋعا 11 ملرد. تەڭگەدەن استام قارجى ءبولىندى. كەلىسىلگەن اقى تولەۋدى ەنگىزۋ بارىسىندا وتكەن جىلمەن سالىستىرعاندا دارىگەرلەردىڭ جالاقىسى 19%-عا، ورتا مەديسينا قىزمەتكەرىنىڭ ايلىعى 9%-عا ءوستى.

الماتى اكىمى باسقارمانىڭ جاڭا باسشىسىنىڭ الدىنا ءپرينسيپتى جانە جۇيەلى ءىستى تالاپ ەتەتىن ءبىرقاتار مىندەتتەردى قويدى.

«تۇرعىنداردىڭ مەديسينالىق قىزمەتكە ريزا بولۋى- دەنساۋلىق ساقتاۋ باسقارماسى جۇمىسىنىڭ باستى كورسەتكىشى جانە نەگىزگى كريتەرييى»، - دەدى قالا اكىمى باسقارمانىڭ جاڭا باسشىسىنا.

جۇمىس بارىسىندا ناقتىلى ماسەلەلەرگە ءجىتى نازار اۋدارعان ءجون، ولار انا ءولىمىن ازايتۋ، قان اينالىمى جۇيەسى سىرقاتىنا شالدىققانداردى دۇرىس ەمدەۋ، باسقا دا باعدارلامالار ينديكاتورلارىن جۇزەگە اسىرۋ. ءمجا مەحانيزمىن بارىنشا جەتىلدىرىپ، تۇرعىنداردى دارىلەرمەن ۇزدىكسىز قامتاماسىز ەتۋ، دارىگەر كادرلارىنىڭ جەتىسپەۋشىلىگىن شەشۋ دە كۇن تارتىبىنەن تۇسپەۋى ءتيىس. قالانىڭ مەديسينا سالاسىن سيفرلى جۇيەگە كوشىرۋ كونسەپسياسىن جاساعان ءجون، وتا بلوكتارىنا زاماناۋي تەحنولوگيالاردى، سونىڭ ىشىندە «Emergency Room» جۇيەسىن ەنگىزۋ ءىسىن جالعاستىرۋ قاجەت.

دەنساۋلىق ساقتاۋ باسقارماسىنىڭ جاڭا باسشىسى ەڭبەك جولىن 1980 جىلى اياگوز اۋداندىق اۋرۋحاناسىندا دارىگەر-ينتەرن بولىپ باستاعان. ءتۇرلى جىلدارى سەمەي وبلىسىنىڭ دەنساۋلىق ساقتاۋ باسقارماسىنىڭ باستىعى، ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ مەكتەبىنىڭ ديرەكتورى، استانا قالاسى فارماسيەۆتىك باقىلاۋ باسقارماسىنىڭ باستىعى، ستراتەگيالىق دامۋ دەپارتامەنتىنىڭ ديرەكتورى، ق ر ۇلتتىق بيوتەحنولوگيالىق ورتالىعىنىڭ باس ديرەكتورى، ماڭعىستاۋ وبلىسى دەنساۋلىق ساقتاۋ باسقارماسىنىڭ باستىعى، ق ر دەنساۋلىق ساقتاۋ مينيسترلىگىنىڭ جاۋاپتى حاتشىسى، ق ر دەنساۋلىق ساقتاۋ جانە الەۋمەتتىك دامۋ ءمينيسترىنىڭ ورىنباسارى، وسى مينسيترىلىكتىڭ ءدارى- دارمەكتەردى، مەديسينالىق باعىتتاعى ونىمدەر مەن مەديسينالىق تەحنيكانى ساراپتاۋ جونىندەگى ۇلتتىق ورتالىعىنىڭ باس ديرەكتورى، م.ايقىمبايەۆ اتىنداعى كارانتين جانە زوونوزدى جۇقپالى اۋرۋلار قازاق عىلىمي ورتالىعىنىڭ ديرەكتورى بولعان جانە باسقا دا قىزمەتتەردى اتقارعان.