اۋدان بويىنشا 32 جالپى ءبىلىم بەرەتىن مەكتەپ جۇمىس جاسايدى، ونىڭ 9 مەكتەپ-گيمنازيا، فيزيكا جانە ماتەماتيكا پاندەرىن تەرەڭدەتىپ وقىتاتىن 2 مامانداندىرىلعان ليسەي، 2 مەكتەپ-ليسەي، 14 جالپى ءبىلىم بەرەتىن مەكتەپ. وقىتۋ ءتىلى بويىنشا 11 مەكتەپتە قازاق تىلىندە، 11 مەكتەپتە ورىس تىلىندە، 9 مەكتەپتە قازاق جانە ورىس تىلدەرىندە، 1 مەكتەپتە ۇيعىر تىلىندە وقىتىلادى. مۇنداي اقپاراتتى الماتى قالاسىنىڭ وڭىرلىك كوممۋنيكسيالار قىزمەتىندە وتكەن بريفينگتە اۋەزوۆ اۋدانىنىڭ باسشىسى التاي راحىمبەتوۆ ايتتى دەپ جازادى Qamshy.kz اقپارات اگەنتتىگى. 

التاي راحىمبەتوۆتىڭ ايتۋىنشا، 32 مەملەكەتتىك مەكتەپتەردەگى وقۋشى سانى 43 390، 32 مەكتەپتىڭ جالپى سىيىمدىلىعى 31 745 ورىن، وندا 43 390 وقۋشى وقيدى. وقۋ ورنىنىڭ تاپشىلىعى 3 047،5 قۇرايدى. وقۋ ورنىنىڭ تاپشىلىعى جىلدا ارتۋدا. № 117، 121، 123، 133، 158، 173، 175 مەكتەپتەردە وقۋشى سانى شامادان تىس. 2018 جىلى مامىر - 1 شاعىن اۋدانىندا 1200 ورىنعا ارنالعان جالپى ءبىلىم بەرەتىن مەكتەپ سالىنۋ جوسپارلانىپ وتىر.

ۇبت-ڭ قورىتىندىسى بويىنشا 2017 جىلى قالا بويىنشا اۋەزوۆ اۋدانى 99،64 باللدىق كورسەتكىشپەن 2-ورىن الدى، 99 مەكتەپ تۇلەگى «التىن بەلگى» يەگەرلەرى اتاندى، - دەپ مالىمدەدى اۋەزوۆ اۋدانىنىڭ باسشىسى التاي راحىمبەتوۆ.