Smart-مەكتەپ – ءبىلىم سالاسىنداعى يننوۆاسيا. شقو اكىمى دانيال احمەتوۆ اتقارۋشى ورگاندارعا شىعىس قازاقستان وبلىسىنداعى مەكتەپتەردە وسى جوبانىڭ ىسكە اسىرىلۋىن قاداعالاۋدى تاپسىردى. ونىڭ ماقساتى وقۋشىلاردىڭ قاۋىپسىزدىگىن قامتاماسىز ەتۋ جانە مەكتەپتەگى ۇدەرىستەردى اۆتوماتتاندىرۋ بولىپ تابىلادى.

ول ءۇشىن قالاداعى بارلىق ورتا ءبىلىم بەرۋ وردالارىنا ۇيعارىلعان بەينەنى ناقتى ۋاقىت رەجيمىندە كورۋگە ارنالعان، سونداي-اق ءوتىپ جاتقان جاعدايدى اۆتوماتتى تۇردە جازىپ الىپ، بەينەجازبانى كورسەتەتىن جانە ساقتاپ الاتىن بەينەباقىلاۋدىڭ ەرەكشە جۇيەسى ورناتىلۋ كەرەك. بۇل جۇيە مەكتەپ عيماراتىنا كىرۋدى باقىلاپ، اتا-انالاردى وقۋشىنىڭ ساباققا كەلۋىن سمس حابارلاما ارقىلى اۆتوماتتى تۇردە اقپاراتتاندىرىپ تۇرادى.

بۇدان بولەك، وقۋشىلار ونىڭ كومەگى ارقىلى تۇسكى اس اقىسىن تولەپ نەمەسە كىتاپحانادان كەرەكتى كىتابىن الۋعا مۇمكىندىك بەرەتىن سمارت-كارتانى يەلەنۋى كەرەك. بۇعان قوسا وقۋشىنىڭ تاعام مولشەرى تۋرالى اقپارات ونىڭ جەكە كابينەتىندە كورسەتىلىپ تۇرادى. اتا-انالار وعان جەلى ارقىلى كىرىپ، بالانىڭ ساباققا قاتىسۋى، كەشىگىپ كەلۋىنىڭ سانى، كىتاپحانا قورىمەن قانشالىقتى جۇمىس ىستەگەنى تۋرالى ستاتيستيكانى كورىپ، اسحاناعا كەتىرگەن شىعىنىن قاداعالاي الادى.

بۇل جوبا «اقىلدى قالا» باعدارلاماسىنىڭ ءبىر بولشەگى بولىپ تابىلادى.

ازىرشە شىعىس قازاقستاندا مەكتەپ ۇدەرىستەرىن اۆتومتتاندىرۋ بويىنشا العاشقى قادامدار جاسالىپ جاتىر. سونىڭ ىشىندە استانا قالاسىنداعى №15 مەن №3 ليسەيلەردە پيلوتتىق رەجيمدە اپروباسيا جاسالىپ جاتقان Smart-مەكتەپ جۇيەسىنىڭ جۇمىس تاجىريبەسى زەرتتەلۋدە. ءقازىردىڭ وزىندە العاشقى جاعىمدى قورىتىندىلارى انىقتالۋدا.