2017 جىلدىڭ تامىز ايىندا تىلدىك پاندەردىڭ ۇزدىك 12 وقىتۋشىسى وبلىس اكىمى دانيال احمەتوۆتان سىياقى الدى. سىياقى مولشەرى ماردىمدى بولدى: 170 مىڭنان 800 مىڭ تەڭگەگە دەيىن.
2017 جىلى 29 قاراشا كۇنى استانا قالاسىندا ورتالىق كوممۋنيكاسيالار قىزمەتىندە وتكەن شىعىس قازاقستان وبلىسى اكىمىنىڭ بريفينگىندە مۇعالىمدەرگە سارالانعان قارجىلىق ىنتالاندىرۋ تۋرالى ايتىلدى. مۇعالىمدەر كاسىبي قىزمەتتەرى ءۇشىن ءجيى سىياقى المايدى. 2016-2017 وقۋ جىلىندا وسىنداي ماراپاتقا يە بولۋ مۇمكىندىگى قازاق، ورىس جانە اعىلشىن تىلىنەن ساباق بەرەتىن ايماقتاعى 3400 مۇعالىمگە بۇيىردى. دانيال كەنجەتاي ۇلىنىڭ باستاماسىمەن وبلىستا ىسكە اسىپ جاتقان ءۇشتىلدى ءبىلىم بەرۋ باعدارلاماسىن جۇزەگە اسىرۋ اياسىندا وقىتۋشىلار كاسىبي شەبەرلىكتەرىن شىڭداپ، ءتىل مەڭگەرۋ بىلىكتىلىگىن ارتتىردى. نەگىزگى ماقسات – ءۇش ءتىلدى مەڭگەرىپ، ەركىن سويلەۋلەرى ءۇشىن مەكتەپ وقۋشىلارىنا وزدەرى ۇيرەنگەن وقۋ داعدىسىن جەتكىزۋ.
وقىتۋشىلار كۋرستاردا حالىقارالىق ۇلگىدەگى وقۋلىقتار بويىنشا ءتىلدى ءۇش دەڭگەيلى وقىتۋ ادىستەرىن مەڭگەردى. ولار قازاق ءتىلىن اباي اتىنداعى ءقازۇۋ-دىڭ پروفەسسورى، پەداگوگيكا عىلىمدارىنىڭ دوكتورى شامسي قىزى فاۋزيا ورازبايەۆا دايىنداعان وقۋلىق بويىنشا وقىتادى. قازاق مەكتەپتەرىندەگى ورىس ءتىلى رف ممپۋ پروفەسسورى، فيلولوگيا عىلىمدارىنىڭ دوكتورى ەليزاۆەتا الەكساندروۆنا حامرايەۆانىڭ باعدارلاماسى بويىنشا وقىتىلادى. اعىلشىن ءتىلى كەمبريدجدىك وقۋلىقتارعا سۇيەنىپ وقىتىلادى.
كۋرس قورىتىندىسى بويىنشا بارلىق مۇعالىمدەر ەمتيحان تاپسىردى. ارنايى قۇرىلعان كوميسسيا كۋرستاردا كاسىبيلىكتىڭ جوعارى دەڭگەيىن كورسەتكەن 21 پەداگوگتىڭ جۇمىستارىن باقىلادى. الدىمەن وقىتۋشىلاردىڭ ۇيرەنگەن داعدىسىن وقۋشىلارىنا ۇيرەتە ءبىلۋ قابىلەتى ەسكەرىلدى. كوميسسيا مۇشەلەرىنىڭ شەشىمىمەن وقۋشىلارى جاقسىراق ۇيرەنگەن 12 ءمۇعالىم وبلىس اكىمىنىڭ سىياقىسىنا يە بولدى. سىياقى شقو-داعى پەداگوگيكا سالاسىنداعى قىزمەتكەرلەردىڭ ءداستۇرلى تۇردە وتەتىن تامىز جينالىسىندا تابىستالدى.
شقو-داعى ءۇشتىلدى ءبىلىم جوباسى رەسپۋبليكالىق «رۋحاني جاڭعىرۋ» قوعامدىق سانانى جاڭعىرتۋ باعدارلاماسىنىڭ شقو ءبىلىم باسقارماسى "شىعىس" وڭىرلىك ورتالىعى" ازىرلەگەن «ءبىلىم جانە تاربيە» ىشكى باعدارلاماسى اياسىندا جۇزەگە اسۋدا.
فوتو س سايتا
ortcom.kz
