الماتىدا قوعامدىق كەڭەس وتىرىسىندا قالانىڭ تۋريستىك دامۋى تالقىلانىپ، كوكجايلاۋ جوباسى تۋرالى ايتىلدى.

قالالىق تۋريزم جانە سىرتقى بايلانىس باسقارماسىنىڭ باسشىسى ەرلان جايلاۋباي قازىرگى تاڭدا جوبانىڭ جاڭا تەحنيكالىق-ەكونوميكالىق نەگىزدەمەسى جاسالىپ جاتقانىن ايتتى.

جاڭا قۇجاتتى قابىلداۋ كەزىندە تابيعي كليماتتىق وزگەشەلىكتەر ەسكەرىلەدى.

«وسىنىڭ الدىندا كوكجايلاۋ جوباسى بولعان ەدى. ونى توقتاتىپ قويدىق. قازىرگى تاڭدا تەحنيكالىق-ەكونوميكالىق نەگىزدەمەگە وزگەرىس ەنگىزىلىپ، بىلايشا ايتقاندا جاڭا نەگىزدەمە جاسالىپ جاتىر. ياعني، ءبىز الدىندا جوسپارلانعانداي، 200 مىڭ شارشى مەترلىك قۇرىلىس نىسانىن سالمايتىن بولدىق. ۇلكەن تاس جولدارى دا بولمايدى، ول ءۇشىن كوپ جاسىل-جەلەكتى كەسۋگە تۋرا كەلەتىن ەدى. جاڭا قۇجاتتاعى جول جوباسى ءۇشىن 8 مىڭ تالدى كەسۋ كوزدەلگەن. قازىرگى جوبادا بۇل ماسەلەلەردىڭ ءبارى ەسكەرىلگەن. ءبىز جىل بويى تۋريست قابىلداي الاتىن كەشەن جاساۋعا بەت بۇرىپ وتىرمىز. بۇل VIP-كۋرورت ەمەس جالپى قالالىقتارعا قولجەتىمدى كەشەن بولادى. مۇنداي كەشەننىڭ قۇرىلىسى قالانىڭ ەكولوگياسىن جاقسارتۋعا سەپتىگىن تيگىزبەك. جوبا جۇمىسى بىتكەن سوڭ حالىقارالىق ساراپشىلاردىڭ باعالاۋىنا ۇسىنامىز»، - دەدى ول.

كەڭەسكە قاتىسۋشىلار الماتىلىقتاردىڭ اراسىندا بۇل ماسەلە داۋلى بولىپ وتىرعان، سوندىقتان، كوكجايلاۋ قۇرىلىسىن قوعامدىق تالقىلاۋدان مىندەتتى تۇردە وتكىزۋ كەرەك ەكەندىگى ايتىلدى.  

«مەن - الماتىلىقپىن. تاۋلاردى جاقسى كورەمىن. ەسكى نەگىزدەمەدە قوعامدى قۇلاقتاندىرۋ ماسەلەسىندە ناقتى رەگلامەنتاسيا بولعان جوق.  ءقازىر جاعداي وزگەردى. ورحۋس كونۆەنسياسىمەن ۇندەسەتىن ەكولوگيالىق كودەكس جۇمىس جاساپ تۇر. جاڭا نەگىزدەمە شىققان سوڭ ءار كەزەڭدى تالقىلاۋعا شىعاراتىنىمىزدى سەنىممەن ايتا الامىن»، - دەدى ەرلان جايلاۋباي.

ونىڭ ايتۋىنشا، وسى ماقساتتا 200 ملن تەڭگە بولىنگەن. ال جاڭا جوبانى جۇزەگە اسىرۋعا ينۆەستور ىزدەستىرىلىپ جاتىر.
ايتا كەتەر بولساق، اتالمىش جوباعا قاتىستى الماتى قالاسىنىڭ اكىمى باۋىرجان بايبەك «تاۋ شاڭعىسى ءتۋريزمى ەكونوميكالىق تۇرعىدان جاعاجاي تۋريزمىنەن 5 ەسە كوپ مۋلتيپليكاتيۆتىك بولىپ سانالادى»، - دەپ ايتقان بولاتىن.

قالا باسشىسىنىڭ ايتۋىنشا، تۋريزم «قوسىمشا جۇمىس ورىندارى جانە سەرۆيستىك باعدارلانعان ەكونوميكا» بولىپ تابىلادى. ءتۋريزمدى دامىتۋ ءۇشىن تازا اۋا كەرەك، ءقازىر سول باعىتتا جۇمىستار ىستەلىپ جاتقاندىعى بەلگىلى بولدى.

قازگيدرومەتتىڭ ايتۋىنشا، الماتىداعى اۋانىڭ لاستانۋ دەڭگەيى 20% -عا تومەندەدى. تۇراقتى قوعامدىق كولىكتى قۇرۋ، ينفراقۇرىلىمدى جاڭعىرتۋمەن قاتار، قالانى بارىنشا جاقسى، ادەمى ەتەدى جانە بارىنشا كوپ تۋريستەردى تارتادى