الماتى ءىىد تۇرعىنداردى الداپ، ولاردىڭ سەنىمىنە كىرگەن 1983 جىلعى ايەلدى ۇستادى. ول كەپىلدىكتە تۇرعان ۇيلەردى ساتىپ، 30 مىڭ اقش دوللارىن زاڭسىز جولمەن قالتاسىنا باسقان، دەپ جازادى Qamshy.kz اقپارات اگەنتتىگى. 

«34 جاستاعى ايەل ساتىپ الۋشىلارعا ءۇيدى ەكىنشى دەڭگەيلى بانكتەردەن دە ارزان باعاعا بەرەتىنىن ايتىپ، سان سوقتىردى. ونىڭ ۇستىنە، ءوزى ۇسىنعان ۇيلەردى از ۋاقىتتىڭ ىشىندە جانە نارىق باعاسىنان 70 پايىزعا تومەن بولاتىندىعىن ايتقان. ءۇي ساتىپ العىسى كەلگەندەر، الدىمەن كەرەكى قۇجاتتاردى جيناپ، ارتىنان 2 مىڭ دوللاردى الاياق ايەلدىڭ شوتىنا اۋدارۋعا مىندەتتى بولعان.

شوتقا اۋدارىلعان اقشانى العان ازاماتشا ك. كليەنتتەرىنەن قاشىپ، كوزدەن تاسا بولعان. تەرگەۋ بارىسىندا، ايەلدىڭ بانك سالاسىنا ەشقانداي دا قاتىسى بولماعاندىعى انىقتالعان. وسىعان وراي، ول جاساعان ارەكەتتەر ق ر قىلمىستىق كودەكسىنىڭ 193 بابىنىڭ 3 تارماعى بويىنشا، «الاياقتىق جاسادى» دەگەن ايىپپەن تىركەلدى. ۇستالعان ايەل ءوزى جاساعان ارەكەتتەرىن تولىق مويىنداپ وتىر.

قازىرگى كەزدە وعان شاعىمى بار 5 ادام پوليسياعا كەلدى. دەگەنمەن، قالادا ءدال وسىعان ۇقسايتىن 16 وقيعا تىركەلگەن»،- دەپ مالىمدەدى بوستاندىق اۋدانىنىڭ ىشكى ىستەر باسشىسى، پوليسيا پودپولكوۆنيگى داۋرەن ۋتەبايەۆ.