اقش سولتۇستىك كورەياعا قارسى اسكەري شابۋىل جاساۋدىڭ جوسپارىنا كىرىسىپ كەتتى. بۇل تۋرالى The Daily Telegraph باسىلىمى حابارلادى، دەپ جازادى Qamshy.kz اقپارات اگەنتتىگى.

«پەنتاگون سولتۇستىك كورەيالىقتارعا قالجىڭداپ جۇرمەگەندەرىن ءتۇسىندىرۋ ءۇشىن، اسكەري شابۋىل جاساۋدىڭ ءتۇرلى نۇسقالارىن قاراستىرۋدا»، - دەدى امەريكالىق قاۋىپسىزدىك ورگانىنىڭ بۇرىنعى قىزمەتكەرى.

باسىلىمنىڭ مالىمەتىنشە، اق ءۇي سوڭعى ايدا كورەي جارتى ارالىنىڭ يادرولىق ماسەلەسىنە نۇكتە قويۋ ماقساتىندا اسكەري شابۋىلعا دايىندىعىن كۇشەيتكەن.

كۇش كورسەتۋ سەنارييىنىڭ نۇسقالارىنىڭ ءبىرى – پحەنيان كەزەكتى زىمىرانىن سىناقتان وتكىزبەي تۇرىپ، قارۋ جاراعى ساقتالعان قويماسىمەن قوسا ۇشىرۋ الاڭىن قۇرتۋ.

ايتا كەتەيىك، بۇدان بۇرىن كحدر «ترامپ ءبىزدى يادرولىق سوعىسقا شاقىردى» دەپ مالىمدەگەن.