بۇۇ باس اسسامبلەياسى اقش-تىڭ يەرۋساليمگە قاتىستى شەشىمىن مويىنداماۋ جونىندە رەزوليۋسيا قابىلدادى. قۇجاتقا 128 ەل داۋىس بەرگەن، قارسى بولعاندار سانى – 9، ال 35ء-ى داۋىس بەرۋدەن تارتىندى، دەپ جازادى Qamshy.kz اقپارات اگەنتتىگى.

رەزوليۋسياعا قارسى شىققاندار – اقش، يزرايل، گۆاتەمالا، گوندۋراس، مارشاللوۆى وستروۆا، ميكرونەزيا، ناۋرۋ، پالاۋ، توگو. ال ارگەنتينا، بەنين، كانادا، حورۆاتيا، لاتۆيا، رۋمىنيا جانە باسقالارى داۋىس بەرۋدەن باس تارتقان. ودان بولەك 20 مەملەكەت داۋىس بەرۋ شاراسىنا مۇلدەم قاتىسپاعان.

بۇدان بۇرىن اقش پرەزيدەنتى دونالد ترامپ بۇۇ با رەزوليۋسياسىن قولداعان مەملەكەتتەرگە قارجىلاي كومەك كورسەتۋدەن باس تارتاتىنىن مالىمدەگەن.

قابىلدانعان قۇجاتقا سايكەس، «قاسيەتتى يەرۋساليم قالاسىنا قاتىستى مارتەبە مەن مىنەزدىڭ، دەموگرافيالىق قۇرامنىڭ وزگەرۋىنە اكەلەتىن كەز كەلگەن شەشىمنىڭ زاڭدىق تۇرعىدان كۇشى جوق».

ايتا كەتەيىك، 2017 جىلدىڭ جەلتوقسانىنىڭ باسىندا ترامپ يەرۋساليمدى ءيزرايلدىڭ استاناسى رەتىندە مويىنداپ، امەريكالىق ەلشىلىكتىڭ تەل-اۆيۆادان سوندا كوشەتىنى تۋرالى قۇجاتقا قول قويعان. ترامپتىڭ بۇل شەشىمى تاياۋ شىعىس پەن پالەستينا ەلدەرى باستاعان كوپتەگەن مەملەكەتتىڭ نارازىلىعىن تۋدىردى.