الماتى قالاسى قىلمىستىق ىستەر جونىندەگى مامانداندىرىلعان اۋدانارالىق سوتىندا ەكى بالانى ءولتىرىپ، توڭازىتقىشقا سالىپ قويعاندارعا قاتىستى سوت وتىرىسى ءوتىپ جاتىر. اللا ۆولچەنكو سوتتا سوڭعى ءسوزىن ايتتى، دەپ Qamshy.kz اقپارات اگەنتتىگى تoday.kz-كە سىلتەمە جاساپ.

«قۇرمەتتى سوت، مەنى اتا-انا قۇقىعىنان ايىرماۋلارىڭىزدى وتىنەمىن. تۇڭعىشىم مەنىڭ جالعىزىم. مەن ەكى بىردەي ۇلىمنان ايىرىلىپ قالدىم. مۇنداي جاعدايدى ەشكىمگە تىلەمەيمىن. بۇل ورنى تولماس قايعى. مەن ءوز بالالارىمدى قاتتى جاقسى كورەمىن. بارىم دا، بايلىعىم دا سولار. جۇمىستان كەيىن ۇيگە بالالارىمدى كورۋ ءۇشىن اسىعاتىنمىن. ولاردىڭ جۇزىندەگى كۇلكىنى كورگىم كەلەتىن. مەنىڭ بار بايلىعىم-بالالارىم. مەن ۇلكەن وتباسىم بولعانىن ارماندادىم. ويتكەنى ونداي وتباسى مەندە بولعان جوق. بالالارىم ءۇشىن بارشا قيىندىقتارعا توتەپ بەرۋگە دايار ەدىم. مەنىڭ كەسىرىمنەن وسىنداي جاعداي بولدى، وز-وزىمە كەلە الار ەمەسپىن. ءبىر ساتتە وتباسىمنان، ەكى سابيىمنەن ايىرىلىپ قالدىم. ازاماتتىق نەكەدەگى كۇيەۋىمنىڭ وسىلاي ىستەيتىنىن بىلسەم، وسىعان جول بەرىپ قويادى دەپ ويلايسىزدار ما؟ مەنىڭ بار كىنام دەر كەزىندە حابارلاماعانىمدا. بۇل ارەكەتىم ءۇشىن بارشادان كەشىرىم سۇرايمىن. قۇرمەتتى سوت، قانداي شەشىم قابىلداسىڭىز دا مەنى اتا-انا قۇقىعىمنان ايىرا كورمەڭىز. راۆيل مەنىڭ بارىم. ءومىرىمنىڭ ءمانى. ودان جاقىن مەندە ەشكىم قالمادى. مەنى ۇلىمنان ايىرا كورمەڭىز. نە بولىپ، نە قويعانىن تۇسىنگەندە، كەش بولسا دا كۇيەۋىمە پوليسياعا حابارلاۋ كەرەك ەكەنىن ايتتىم»، - دەدى ۆولچەنكو.

ەستەرىڭىزگە سالا كەتەيىك، الماتىدا جالدامالى پاتەردەگى توڭازىتقىشتان ەكى بالانىڭ دەنەسى تابىلعان بولاتىن. كەيىننەن بالالاردى ءولتىردى دەگەن كۇدىكپەن وزبەكستان ازاماتى ۇستالدى. پوليسيا الماتى قالاسىندا بولعان سۇمدىق وقيعانىڭ ءمان-جايىن انىقتاعان ەدى.