كحدر وڭتۇستىك كورەيامەن جوعارعى دارەجەدەگى كەلىسسوزدەر جۇرگىزۋگە كەلىستى، دەپ جازادى Qamshy.kz اقپارات اگەنتتىگى.

«رەنحاپ» اگەنتتىگىنىڭ مالىمەتىنشە، ەكى ەل وكىلدەرىنىڭ كەزدەسۋى 9 قاڭتاردا قالا سىرتىنداعى پحانمۋندجوم اۋىلىندا وتەدى.

وسى اپتادا تاراپتار 3 قاراشادا قالپىنا كەلتىرىلگەن ارنايى بايلانىس جەلىسى بويىنشا ديالوگتى جاڭارتتى. كەلىسسوزدەردى باستاۋ تۋرالى بۇيرىقتى كيم چەن ىن بەرگەن. ەكى مەملەكەت بۇعان دەيىن تەلەفون ارقىلى ەكى مارتە سويلەسكەن – 3 جانە 4 قاڭتار. كەلىسسوزدەردە تالقىلاناتىن ماسەلەلەر جاريالانبادى.

بۇرىندارى وڭتۇستىك كورەيا «ىستىق جەلى» ارقىلى ديالوگ باستاۋعا تىرىسقان، الايدا ناتيجەسى وڭ بولمادى. ءوز كەزەگىندە كحدر جاڭاجىلدىق سوزىندە پحەنياننىڭ كەلىسسوزدەر جۇرگىزۋگە جانە وليمپياداعا قاتىسۋعا قارسى ەمەس ەكەندىگىن جەتكىزگەن.

ق ر پارلامەنت سەناتىنىڭ سپيكەرى قاسىم-جومارت توقايەۆ كحدر مەن كورەيا رەسپۋبليكاسى اراسىنداعى جاعدايعا بايلانىستى پىكىر بىلدىرگەن.

«ەكى ەل اراسىنداعى بايلانىس جەلىسىنىڭ قالپىنا كەلۋى تۇبەكتەگى جاعدايدىڭ دامۋىنىڭ جاقسى بەتالىسىن كورسەتەدى. مازاسىزدىق باسەڭدەيدى دەگەن دە ءۇمىت بار. حوك كحدر سپورشىلارىنىڭ وڭتۇستىك كورەياداعى وليمپياداعا بارۋىنا قولداۋ ءبىلدىردى، بۇل دۇرىس شەشىم»،-دەپ جازدى قاسىم-جومارت توقايەۆ ءوزىنىڭ Twitter پاراقشاسىنا.