تانىمال بوكس باپكەرى حوەل دياس WBA (Super)، IBO، WBC جانە IBF تۇجىرىمدارى بويىنشا ورتا سالماقتاعى الەم چەمپيونى قازاقستاندىق گەنناديي گولوۆكين (37-0-1، 33 كو) مەن مەكسيكالىق ساۋل "كانەلو" الۆارەس (49-1-2، 34 كو) اراسىندا وتەتىن ەكىنشى كەزدەسۋ جايلى پىكىرىن ايتتى، - دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساي وتىرىپ

"مەن الۆارەسكە قارسى كەزدەسۋ گولوۆكيننىڭ 1-2 راۋندتا-اق جەڭىسكە جەتكەنىن ارەنادا وتىرىپ ءوز كوزىممەن كوردىم. ءبىراق سىزدەر سول جەكپە-جەكتى قايتا كورگىلەرىڭىز كەلسە، مۇلدە باسقا كارتينانى كورەسىزدەر. تەپە-تەڭ ءتۇسۋ - بۇل ويىننىڭ ءبىر بولىگى عانا. بۇل - بيزنەس. ال ءبىز ەكىنشى جەكپە-جەكتى كورگىمىز كەلەدى"، - دەيدى حوەل دياس.

سونداي-اق، باپكەر ەكىنشى كەزدەسۋدە "كانەلونىڭ" گولوۆكيندى جەڭەتىنىن ايتادى. "نەگە "كانەلو" جەڭەدى؟ "كانەلو" گولوۆكينگە وتە جاقىن قاشىقتىقتا جۇدىرىقتاستى. سوسىن الىس اراقاشىقتىققا ءوتتى، دەگەنمەن ول بارلىعىن باقىلاپ ءجۇردى. ەكىنشى كەزدەسۋدە "كانەلو" كوبىرەك سوققى جاساپ، بەلسەندىرەك بولۋى كەرەك. سوندا عانا ول گولوۆكيندى جەڭە الادى"، - دەيدى ول.

مۇنىمەن قوسا، باپكەر "كانەلونىڭ" ءالى جاس ەكەنىن، سوندىقتان دا وعان 5-6 راۋندتا شارشاپ قالماۋى ءۇشىن جاتتىعۋ كەرەكتىگىن ايتىپ ءوتتى.

"ال گولوۆكين نە ىستەۋى كەرەك؟ وعان "كانەلونى" نوكاۋتقا ءتۇسىرۋ كەرەك. بۇل جەردە بوكستىڭ باستى جۇلدىزى الۆارەس. سوندىقتان مۇندا گولوۆكيننىڭ جالعىز ءبىر مۇمكىندىگى بار - ول نوكاۋت"، - دەدى حوەل دياس K.O Artist Sports باسىلىمىنا بەرگەن سۇحباتىندا.