وار پرەزيدەنتى دجەيكوب زۋما ءوز وكىلەتتىگىن مەرزىمىنەن بۇرىن اياقتاماق، دەپ جازادى Qamshy.kz اقپارات اگەنتتىگى.
تاسس پورتالىنىڭ دەرەگىنە سۇيەنسەك، ول مۇنداي مالىمدەمەنى سارسەنبىدە «افريكا ۇلتتىق كونگرەسى» باسقارۋشى پارتياسىنىڭ بەرگەن مەرزىمى اياقتالعاننان كەيىن جاسادى. ولاي بولماعان جاعدايدا بەيسەنبىدە سەنىم تۋرالى ماسەلە بويىنشا داۋىس بەرۋ كەزىندە وپپوزيسيانى قولدايتىنىن حابارلادى.
«مەن رەسپۋبليكا پرەزيدەنتى قىزمەتىنەن وتستاۆكاعا كەتۋ تۋرالى شەشىم قابىلدادىم. ۇيىم باسشىلىعىنىڭ شەشىمىنە كەلىسپەۋىمە قاراماستان، مەن باسقارۋشى پارتيانىڭ تارتىبىنە ءاردايىم باعىندىم»، - دەدى زۋما.
سوندىمەن قاتار، ول سەنىمسىزدىك ۆوتۋمىنان دا، يمپيچمەنتتەن دە قورىقپايتىنىن جانە بۇل پروسەدۋرالاردىڭ ءوز كوشباسشىلارىنىڭ وكىلەتتىگىن توقتاتۋدا ازاماتتاردىڭ قولداناتىن زاڭدى تەتىگى ەكەندىگىن اتاپ ءوتتى.
پىكىر قالدىرۋ