وار-دىڭ ۆيسە-پرەزيدەنتى سيريل راماپوسا ەلدىڭ جاڭا پرەزيدەنتى رەتىندە انت قابىلدادى. انت قابىلداۋ ءراسىمى جەرگىلىكتى News24 تەلەارناسىندا تىكەلەي ەفيردەن كورسەتىلدى، دەپ جازادى Qamshy.kz اقپارات اگەنتتىگى.

شاراعا پارلامەنت مۇشەلەرى، موگوەنگا سۋديالارى، سونىمەن قاتار جۋرناليستەر مەن شەتەلدىك قوناقتار قاتىستى.

ول وار-دىڭ بۇرىنعى پرەزيدەنتى دجەيكوب زۋما مەرزىمىنەن بۇرىن وتستاۆكاعا كەتەتىنىن مالىمدەگەننەن كەيىن وتكەن پارلامەنت وتىرىسىندا پرەزيدەنت بولىپ تاعايىندالدى.

ايتا كەتەيىك، دجەيكوب زۋما ءوز ەركىمەن وكىلەتتىلىگىن مەرزىمىنەن بۇرىن اياقتايتىنىن تۋرالى مالىمدەگەن.

«مەن رەسپۋبليكا پرەزيدەنتى قىزمەتىنەن وتستاۆكاعا كەتۋ تۋرالى شەشىم قابىلدادىم. ۇيىم باسشىلىعىنىڭ شەشىمىنە كەلىسپەۋىمە قاراماستان، مەن باسقارۋشى پارتيانىڭ تارتىبىنە ءاردايىم باعىندىم»، - دەگەن ەدى زۋما ءوز مالىمدەمەسىندە.

سوندىمەن قاتار، ول سەنىمسىزدىك ۆوتۋمىنان دا، يمپيچمەنتتەن دە قورىقپايتىنىن جانە بۇل پروسەدۋرالاردىڭ ءوز كوشباسشىلارىنىڭ وكىلەتتىگىن توقتاتۋدا ازاماتتاردىڭ قولداناتىن زاڭدى تەتىگى ەكەندىگىن اتاپ ءوتتى.

سوڭعى ۋاقىتتا باسقارۋشى پارتيا مەملەكەتتىك قازىنانىڭ وڭدى-سوڭدى شاشىلۋىنا بايلانىستى وپپوزيسيا تاراپىنان قىسىم كورىپ جۇرگەن. 2014 جىلدان بەرى وپپوزيسيا زۋمادان مەملەكەتكە بار قارجىنى قايتارۋىن تالاپ ەتىپ كەلدى. الايدا زۋما قارجى وپەراسياسى ارنايى قىزمەتتىڭ باقىلاۋىندا ەكەنىن ايتىپ، كىناسىن مويىنداۋدان باس تارتتى.