سەمەي اۋەجايىن مەملەكەت مەنشىگىنە قايتارۋ ارەكەتتەرى جالعاسىپ جاتىر، دەپ 24.kz-كە سۇيەنە وتىرىپ جازادى Qamshy.kz اقپارات اگەنتتىگى.
وسى جىلدىڭ باسىندا نىسان مۇلىكتەرىمەن قوسا اۋكسيون ارقىلى جەكەمەنشىك كومپانيالاردىڭ بىرىنە ساتىلىپ كەتكەن بولاتىن. بۇل تۋرالى ءمالىم بولعان سوڭ، وبلىس اكىمدىگى «سەمەياۆيا» مەكەمەسىن سوتقا بەردى. ال فەميدا وكىلدەرى ءوز كەزەگىندە ساتىپ الۋ جونىندەگى كەلىسىمشارتتى زاڭسىز دەپ تاپتى.
ەستەرىڭىزگە سالا كەتەيىك، 2 جىلدان بەرى بۇل اۋەجاي اۋقىمدى كۇردەلى جوندەۋدەن ءوتىپ جاتىر. بۇل ماقساتقا مەملەكەتتىك «نۇرلى جول» باعدارلاماسى ارقىلى 10 ميلليارد تەڭگە بولىنگەن. اتقارۋشى بيلىك وكىلدەرى جوندەۋ جۇمىستارىن بيىل اياقتاۋدى جوسپارلاعان.
ەرماك ءسالىموۆ، سەمەي قالاسىنىڭ اكىمى:
- سوت شەشىمىمەن كونكۋرستىق باسقارۋشى وبلىس اكىمىنىڭ تالاپ ارىزى بويىنشا ساتىپ جىبەرگەن عيماراتتى قايتا قايتاردى. ءقازىر بۇل ماسەلە قايتا قارالادى. نىسان قايتادان ساۋداعا شىعارىلىپ، مەملەكەت مەنشىگىنە ءوتۋى ءتيىس.
