بۇل تۋرالى وڭىرلىك كوممۋنيكاسيالار ورتالىعىندا وتكەن باسپا ءسوز ءماسليحاتىندا بەلگىلى بولدى.

وڭىرلىك كوممۋنيكاسيالار ورتالىعىندا الماتى وبلىسى ىسكەر ايەلدەر كەڭەسى (ىاك) مۇشەلەرىنىڭ قاتىسۋىمەن باسپا ءسوز ءماسليحاتى ءوتتى.

وبلىستىق كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ باسشىسى الماگۇل وڭعاربايەۆانىڭ ايتۋىنشا، وڭىردەگى ىسكەر ايەلدەردىڭ بەلسەندىلىگى بيزنەستە عانا ەمەس، قوعامدىق-ساياسي ومىردە دە ارتىپ كەلەدى.

«الماتى وبلىسىندا 1 ملن-نان استام ايەل تۇرادى. رەسمي مالىمەتتەر بويىنشا، بۇگىنگى تاڭدا تىركەلگەن 110 مىڭنان استام كاسىپكەرلىك سۋبەكتىلەرىنىڭ 42%ء-ىن ايەل ازاماتتار باسقارادى. بۇل دەگەنىمىز 50 مىڭنان استام بيزنەس-جوبا ىسكە اسىرىلىپ كەلەدى دەگەن ءسوز. نازىك جاندىلار ونەركاسىپ، اۋىل شارۋشالىعى، بانك سەكتورىندا دا، قىزمەت كورسەتۋ سالاسىندا دا تابىستى قىزمەت اتقارىپ كەلەدى»، - دەيدى الماگۇل وڭعاربايەۆا.

سپيكەر ايماقتاعى ايەلدەردىڭ ىسكەرلىك ورتاداعى بەلسەندىلىگىن ارتتىرۋ، ەكونوميكالىق باستامالارىن قولداۋ ماقساتىندا كاسىپكەرلەر پالاتاسىنىڭ جانىنان ىسكەر ايەلدەر كەڭەسىنىڭ قۇرىلعانىن اتاپ ءوتتى. كەڭەستىڭ بارلىق اۋدان مەن قالالاردا فيليالدارى بار. بۇگىنگى تاڭدا ۇيىم 200-دەن استام كاسىپكەر، مەملەكەتتىك، قوعامدىق، قارجىلىق ۇيىمداردىڭ ايەل باسشىلارىن بىرىكتىرىپ وتىر. وتكەن جىلى جۇمىس ىستەپ وتىرعان، جۇمىسسىز، ءوزىن-وزى قامتىعان ايەل كاسىپكەرلەرگە وقىتۋ سەمينارلارى جۇرگىزىلگەن.

2017 جىلى 2،3 مىڭنان استام ايەلگە سەرۆيستىك قىزمەت، 5،6 مىڭ ايەلگە اقپاراتتىق قىزمەت كورسەتىلدى. ىسكەر ايەلدەر تاراپىنان جالپى سوماسى 2،4 ملرد.تەڭگەدەن استام  123 ستارتاپ جوبا جۇزەگە اسىرىلدى.

«بيىل كاسىپكەرلەرگە قىزمەت كورسەتۋ ورتالىقتارىندا 700 ايەلگە تەگىن سەرۆيستىك قىزمەت بەرىلگەن، 1،4 مىڭنان استام ايەلگە كەڭەستەر جۇرگىزىلگەن. جىل باسىنان بەرى 56 ايەل «بيزنەس كەڭەسشى» جوباسى بويىنشا كاسىپكەرلىك نەگىزىنە وقىپ شىقتى»، - دەپ اتاپ ءوتتى الماگۇل وڭعاربايەۆا.

سونىمەن بىرگە ول اۋىلدى جەردەگى ايەلدەردىڭ قارجىلىق ساۋاتتىلىعىن ارتتىرۋ بويىنشا جۇمىس ۇدەرىسى كۇشەيتىلەتىنىن ايتتى. 

ىسكەر ايەلدەر كەڭەسىنىڭ كەربۇلاق اۋداندىق فيليالىنىڭ جەتەكشىسى، «امرەيەۆا» جك باسشىسى كۇلسارا امىرەيەۆا وتكەن جىلدىڭ قىركۇيەگىندە «اتامەكەن» ۇكپ باستاۋ العان «اتامەكەنىم» رەسپۋبليكالىق اكسياسى اياسىندا الەۋمەتتىك جوبالار ىسكە اسىرىپ كەلەتىنىن ايتتى.

ىاك كەربۇلاق اۋداندىق فيليالىنىڭ جەتەكشىسى، «امرەيەۆا» جك باسشىسى كۇلسارا امىرەيەۆا وتكەن جىلدىڭ قىركۇيەگىندە «اتامەكەن» ۇكپ باستاۋ العان «اتامەكەنىم» رەسپۋبليكالىق اكسياسى اياسىندا الەۋمەتتىك جوبالار ىسكە اسىرىپ كەلەتىنىن ايتتى.

«وبلىسىمىزدىڭ التى قالاسى مەن اۋىلىندا «ءبارى دە راحمەت ءۇشىن!» اتتى الەۋمەتتىك دۇكەندەرى جۇمىس ىستەۋدە. وندا مۇقتاج ازاماتتارعا كيىمدەر مەن زاتتار تەگىن بەرىلەدى. جوبانىڭ ارقاسىندا ادامدار قوعامنىڭ باسقا ءبىر وكىلىنە مەيىرىمدىلىك تانىتۋدا. سونىمەن بىرگە، كەربۇلاق اۋدانىندا «شىن جۇرەكتەن» اتتى اۆتوكەرۋەن ۇيىمداستىرىپ، بىنەشە اپتا بويى اكىمدىك، مەملەكەتتىك ورگان مەن قوعامدىق ۇيىمدارمەن بىرلەسە 15 اۋىلدىق وكرۋگتى ارالاپ شىقتىق. اۋىلدا تۇرىپ جاتقان 400-دەن استام از قامتىلعان، م.گەدەك جانە قارت ازاماتتارعا قايىرىمدىلىق كورسەتىلدى»، - دەدى كۇلسارا امىرەيەۆا.

كاسىپكەر اۋدانداعى 3584 بيزنەس سۋبەكتىسىنىڭ 1293ء-ىن نازىك جاندىلاردىڭ باسقاراتىنىن تىلگە تيەك ەتتى.

سونىمەن قاتار، بيىل ىاك باستاماسىمەن «تەكەلى اسار» جانە «تالعار اسار» اتتى قايىرىمدىلىق جوبالارى باستالدى. جوبا اياسىندا قالالاردىڭ ساۋدا نۇكتەلەرىندە ارنايى سورەلەر اشىلعان. وندا كەز كەلگەن ادام مۇقتاج ازامات ءۇشىن ازىق-تۇلىك پەن شارۋاشىلىق زاتتارىن ساتىپ الىپ، قالدىرا الادى. اتالمىش جوبا وبلىستىڭ وزگە قالالارى مەن اۋداندارىندا ىسكە قوسىلادى دەپ جوسپارلانۋدا.

«اشۋرا» جەكەمەنشىك بالاباقشاسىنىڭ ديرەكتورى گۇلميرا حاشيموۆانىڭ سوزىنشە، ايەلدەر مەملەكەتتىك قولداۋ قۇرالدارىن جانە ۇلتتىق كاسىپكەرلەر پالاتاسىنىڭ ۇسىناتىن مۇمكىندىكتەرىن بەلسەندى قولدانۋى كەرەك.

«مەنىڭ بيزنەستە جۇرگەنىمەن كوپ ۋاقىت بولدى. مەن سونداي-اق، تالدىقورعان قالاسى مەن وبلىستىڭ قوعامدىق ومىرىنە قاتىسىپ ءجۇرمىن. ءبىز دوڭگلەك ۇستەلدەردى ءجيى وتكىزىپ، وندا اعىمداعى پروبلەمالاردى تالقىلايمىز. مۇمكىندىگىنشە ولاردى شەشۋگە تىرىسامىز، كاسىبي بىلىكتىلىگىمىزدى كوتەرەتىن ءتۇرلى سەمينارلارعا قاتىسامىز. كاسىپكەرلەر پالاتاسىنىڭ قولداۋىمەن جاستار كورپۋسىن دامىتۋ جوباسى بويىنشا كۋرسقا قاتىسىپ، مەنتور-ترەنەر اتاندىم. بەنەفيسيارلار ءۇشىن ترەنينگتەر وتكىزدىم. كەڭەس ىسكەرلىك بايلانىستى نىعايتۋعا دا قولداۋ كورسەتەدى. مىسالى، جاقىندا قازاقستان جانە تۇركيانىڭ ىسكەر ايەلدەر فورۋمىنا بارىپ قايتتىق. حالىقارالىق فورۋم وقىتۋ، تاجىريبە الماسۋ، ينۆەستيسيا تارتۋ مەن ىزدەۋ ءۇشىن ءتيىمدى ديالوگ الاڭى بولدى. بۇل ءىسساپار بارلىق ايەلدەر ءۇشىن وتە ناتيجەلى ءوتتى دەپ سانايمىن»، - دەدى گۇلميرا حاشيموۆا.

جالپى، ىسكەر ايەلدەر كەڭەسىنىڭ مۇشەلەرى اۋدان مەن قالالارداعى كاسىپكەرلەر كەڭەسى، كەڭەسشى-ساباعاتتىق ورگاندار قۇرامىنا كىرىپ، اكىمدىكتىڭ ايەل كاسىپكەرلىكتى دامىتۋ، الەۋمەتتىك سالاداعى سۇراقتار بويىنشا سەرىكتەسىنە اينالدى.

باسپا ءسوز ءماسليحاتىنىڭ سوڭىندا ىسكەر ايەلدەر الماتى وبلىسىنىڭ بارشا قىز-كەلىنشەكتەر قاۋىمىن كەلە جاتقان حالىقارالىق ايەلدەر كۇنىمەن قۇتتىقتادى.

ايتا كتەسەك، الماتى وبلىسىنىڭ ىسكەر ايەلدەر دەلەگاسياسى 15-16 اقپاندا انكارادا وتكەن قازاقستان مەن تۇركيانىڭ ىسكەر ايەلدەر بيزنەس-فورۋمىنا قاتىسقان بولاتىن. الماتى وبلىسىنىڭ ىسكەر ايەلدەر دەلەگاسياسىن كاسىپكەرلەر پالاتاسى وڭىرلىك كەڭەسىنىڭ ءتورايىمى، وبلىستىق ىسكەر ايەلدەر كەڭەسىنىڭ جەتەكشىسى ريمما سالىقوۆا باستاپ بارعان. 

اتامەكەن» ق ر ۇلتتىق كاسىپكەرلەر پالاتاسى ىسكەر ايەلدەر كەڭەسىنىڭ ءتورايىمى ءلاززات رامازانوۆا فورۋمدا سويلەگەن سوزىندە قازاقستاننىڭ جالپى ىشكى ءونىمىنىڭ 40%-ىن ىسكەر ايەلدەر قالىپتاستىراتىنىن، ولاردىڭ وتاندىق بيزنەستىڭ دامۋىنا قوساتىن ۇلەسى ۇنەمى ءوسىپ وتىرعانىن ايتىپ وتكەن ەدى.