ورالدا جاستاردى قولداۋعا ارنالعان 4 بىردەي جاڭا جوبا جۇزەگە اساتىن بولدى دەپ حابارلايدى 24.kz. ولاردىڭ قاتارىندا اۋىل كىتاپحانالارىن قاجەتتى ادەبيەتتەرمەن تولىقتىرۋ، جاستاردى پايدالى اقپاراتتارمەن قامتاماسىز ەتۋ، تەگىن اعىلشىن ءتىلىن ۇيرەتۋ جانە باسەكەگە قابىلەتتى مامان قالىپتاستىرۋ ماقساتىندا «بويجەتكەن» قىزدار كلۋبىن قۇرۋ سەكىلدى جوبالار بار. قازىرگى تاڭدا وڭىردە 14 پەن 29 جاس ارالىعىنداعى جاستاردىڭ سانى 140 مىڭنىڭ ۇستىندە. سولاردىڭ 71 مىڭنان استامى اۋىلدا تۇرادى. جوعارى وقۋ ورىندارىندا 30 مىڭداي، ال ارناۋلى ورتا وقۋ ورىندارىندا 19 مىڭ ستۋدەنت ءبىلىم الىپ جاتىر. جاستار ساياساتىن جۇزەگە اسىرۋمەن اينالىساتىن 89 قوعامدىق بىرلەستىك جۇمىس ىستەيدى. Bastau كوۆوركينگ ورتالىعىندا جاستارمەن كەزدەسكەن وبلىس اكىمى الەۋمەتتىك باستاما اياسىندا وڭىردە ستۋدەنت جاستاردى جاتاقحانامەن جانە قولجەتىمدى تۇرعىن ۇيمەن قامتاماسىز ەتۋ، كاسىبىن اشۋعا مۇمكىندىك جاساۋ جۇمىستارى قولعا الىنادى. ال وڭىردەگى ەكى مەملەكەتتىك ۋنيۆەرسيتەتتە 3 مىڭ 300 ستۋدەنت گرانت نەگىزىندە ءبىلىم الىپ جاتىر.