قاپشاعايلىقتار ناۋرىز مەرەكەسىن سان-سالتاناتپەن اتاپ وتۋدە. شاھاردا ۇلىستىڭ ۇلى مەرەكەسىنە وراي كونە كولىكتەردىڭ كورمەسى ۇيىمداستىرىلدى. ەسكى ۇلگىدەگى اۆتوكولىكتەردىڭ ىشىندە دىنمۇحامەد قونايەۆ مىنگەن ماشينا دا بار.
راريتەتكە اينالعان كولىكتەردىڭ بارلىعى جەرگىلىكتى تۇرعىن، كاسىپكەر مۇرات سەرگەبايەۆقا تيەسىلى. ونىڭ ايتۋىنشا، ەسكى ماشينالاردىڭ كوللەكسياسىن جيناۋ - ونىڭ ءحوببيى. كورمەگە كەلگەن جۇرت ەستەلىك سۋرەتتەرگە ءتۇسىپ جاتتى.
"مەندە ەسكى ۇلگىدەگى وسىنداي 17 كولىك بار. ىشىندەگى مەن ءۇشىن ەڭ قىمباتى دىنمۇحامەد قونايەۆ اتامىزدىڭ "چايكا" اۆتوكولىگى. قازاقتىڭ ءبىرتۋار پەرزەنتى 014 نومەرىمەن تۇرعان مىنا كولىكتى 1985 جىلعا دەيىن مىنگەن. وعان "دودج" اۆتوكولىگىنىڭ قوزعالتقىشىن ورناتىپ، قالپىنا كەلتىردىم. كورمەگە قويىلعان اۆتوكولىكتەردىڭ بارلىعى ءجۇرىپ تۇر"، - دەدى م.سەرگەبايەۆ.
