27 ناۋرىز كۇنى بقو وڭىرلىك كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىنا بقو دەنساۋلىق ساقتاۋ باسقارماسىنىڭ باسشىسى ق.د.توسەكبايەۆ قاتىسىپ، ءوزى باسقاراتىن ۆەدومستۆونىڭ وتكەن جىلعى جۇمىسىنىڭ قورىتىندىلارىن جاريا ەتتى جانە بيىلعى جىلعا ارنالعان جوسپارلارىمەن ءبولىستى.

سپيكەردىڭ ايتۋىنشا، ەلىمىزدە 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىنىڭ ەكىنشى جىلى ىسكە اسىرىلىپ جاتىر. مەملەكەتتىك باعدارلامانىڭ وبلىسىمىزداعى نەگىزگى كورسەتكىشتەرى تومەندەگىشە: 1000 تۇرعىنعا شاققاندا جالپى ءولىم-جىتىم كورسەتكىشى 5،1%-عا تومەندەدى جانە 8،41 قۇرادى (2016 ج.- 8،87)؛ نارەستە ءولىم-جىتىمى كورسەتكىشى 1000 ءتىرى تۋىلعانعا شاققاندا 14،1%-عا تومەندەدى جانە 7،0 قۇرادى (2016 ج.- 8،15)؛ تۋبەركۋلەزدەن ءولىم-جىتىم كورسەتكىشى 100 مىڭ تۇرعىنعا شاققاندا 3،7%-عا تومەندەدى جانە 2،6 قۇرادى (2016 ج.- 2،7)؛ قاتەرلى ىسىكتەردەن ءولىم-جىتىم كورسەتكىشى 100 مىڭ تۇرعىنعا شاققاندا 4،7%-عا تومەندەدى جانە 93 قۇرادى (2016 ج.-97،61)؛ جاراقاتتاردان، جازاتايىم جاعدايلاردان جانە ۋلانۋلاردان ءولىم-جىتىم كورسەتكىشى 100 مىڭ تۇرعىنعا شاققاندا 6،9%-عا تومەندەدى جانە 82،43 قۇرادى (2016 ج.-83،38).

وبلىستا قان اينالىمى، قانت ديابەتى، گلاۋكوما سەكىلدى ت.ب. 9 دەرت تۇرلەرىن جانە قاتەرلى ىسىكتىڭ 6 ءتۇرىن ەرتە انىقتاۋ ماقساتىندا سكرينينگتىك مەديسينالىق تەكسەرۋلەر وتكىزۋ جوسپارلى جولعا قويىلعان. 2017 جىل ىشىندە جالپى سانى 128 مىڭ ادام سكرينينگتەن، سونىڭ ىشىندە 95 مىڭنان اسا ادام قاتەرلى ىسىككە قارسى سكرينينگتەن ءوتۋى ءتيىس بولدى. وبلىستىڭ مەديسينالىق ۇيىمدارى 364 كاسىپورىنمەن دەرتتىڭ الدىن الۋ بويىنشا تەكسەرۋ وتكىزۋگە كەلىسىمشارت جاسادى. 

• جەدەل مەديسينالىق جاردەم قىزمەتىنىڭ جۇمىسىن جەتىلدىرۋ جانە ونلاين رەجيمىندە جۇمىس ىستەۋى ءۇشىن 2017 جىلدىڭ 1 تامىزىنان باستاپ - «اۆتوماتتاندىرىلعان جەدەل جاردەمنىڭ ديسپەچەرلىك قىزمەتى» («اديس») باعدارلاماسى ورناتىلدى. قالالىق جەدەل جاردەم ستانساسىندا سيتۋاسيالىق ورتالىق اشىلدى. ەندى ديسپەچەرلىك قىزمەتتىڭ ەكرانىنا ءاربىر «جەدەل جاردەم» كولىگىنىڭ ءجۇرىس-تۇرىسى ستاتۋسىمەن شىعىپ تۇرادى.
• جاڭارتىلعان «اديس» جۇيەسىنىڭ سوڭعى 2 ايداعى كورسەتكىشىن باسقا ايلارمەن سالىستىرعاندا ءبىرقاتار وڭ ناتيجەلەر بەرگەنى انىق كورىنەدى. ماسەلەن، ديسپەچەرلىك قىزمەتكە كەلىپ تۇسكەن شاقىرتۋدى وڭدەۋدىڭ ۋاقىتى 5 مينۋتتان 2-3 مينۋتقا دەيىن كەمىدى، ناۋقاسقا جەتۋدىڭ ورتاشا ۋاقىتى 11،2 مينۋتتان 9،72 مينۋتقا دەيىن، جول-كولىك اپاتى ورنىنا جەتۋ ۋاقىتى 5،52 مينۋتتان 4،5 مينۋتقا دەيىن قىسقاردى.
• وبلىس حالقىن دارى-دارمەكپەن قامتاماسىز ەتۋ ءۇشىن 9،26 ملرد. تەڭگە ءبولىندى (ونىڭ ىشىندە امبۋلاتورلىق ءدارى – دارمەكپەن قامتۋعا – 4،153 ملرد. تەڭگە، ۆاكسينا الۋعا – 1،054 تەڭگە، ستاسيونارلىق جاردەمگە – 4،056 ملرد. تەڭگە). وعان قوسىمشا تۇرعىنداردى امۋبلاتورلىق دەڭگەيدە دارى-دارمەكپەن ۇزدىكسىز قامتاماسىز ەتۋ ءۇشىن رەسپۋبليكالىق بيۋدجەتتەن 170 ملن. تەڭگە جانە 2018 جىلدىڭ 2 ايىنا (قاڭتار-اقپان)، ياعني ءبىرىڭعاي تەگىن دارى-دارمەك ديستريبيۋتورىنىڭ جەتكىزۋىنە دەيىن 130 ملن. 566 مىڭ تەڭگە ءبولىندى.
• وبلىستا جالپى سانى 9 مەديسينا عىلىمدارىنىڭ كانديداتى بار. وبلىستا جوعارى ءبىلىمدى دارىگەر ماماندارعا سۇرانىس 2018 جىلدىڭ باسىنا 207 ماماندى قۇرادى (قالالىق مەديسينا ۇيىمدارىندا – 154، اۋىلدىق جەرلەردە - 53). نەگىزىنەن جەتىسپەيتىن ماماندار: جالپى پراكتيكا دارىگەرى – 51، اكۋشەريا، گينەكولوگيا – 25، انەستەزيولوگيا جانە رەانيماتولوگيا – 19، كارديولوگيا – 10.
• 2017 جىلى دەنساۋلىق ساقتاۋسالاسىنداعى كادرلىق رەسۋرستاردى باسقارۋدىڭ وڭىرلىك ساياساتى بەكىتىلدى، كادرلارعا قاتىستى وبلىستاعى اعىمداعى جاعداي تالداندى، نەگىزگى مىندەتتەر، ماقساتتار جانە ولاردى جۇزەگە اسىرۋدىڭ باستى تەتىكتەرى انىقتالدى.
• بيۋدجەت قارجىسى ەسەبىنەن 24 ستۋدەنتتى مەديسينالىق جوعارى وقۋ ورىندارىندا وقىتۋ ءۇشىن بيۋدجەتتەن ارنايى قارجى ءبولىندى (م.وسپانوۆ اتىنداعى بقممۋ، س.اسفەندياروۆ اتىنداعى قازۇمۋ).

2017 جىلى وڭىرىمىزگە 86 جاس دارىگەر مامان كەلىپ، ونىڭ 44-ى اۋداندارعا جۇمىسقا ورنالاستىرىلدى، 19 مامانعا تۇرعىن ءۇي، كوتەرمە جاردەماقى جانە جەڭىلدىكپەن نەسيە بەرۋ سەكىلدى الەۋمەتتىك قولداۋلار جاسالدى (2016 جىلى - 97، 2015 جىلى – 87 مامان).

سونداي-اق، 2017 جىلدىڭ قازان ايىندا وقۋ-كلينيكالىق ورتالىعى (وكو) اشىلدى. ونىڭ ماقساتى: مەديسينا سالاسى قىزمەتكەرلەرىنىڭ كاسىبي بىلىم-بىلىگىن كوتەرۋ، سونىڭ ناتيجەسىندە حالىققا كورسەتىلەتىن مەديسينالىق جاردەمنىڭ ساپاسىن ارتتىرۋ ماقساتىندا ارنايى وقىتۋ.

مەديسينا ۇيىمدارىندا پاسيەنتتىڭ ەلەكتروندى ءتولقۇجاتىن جاساۋ جۇمىسى باستالۋدا. ونى 2018 جىلى جۇزەگە اسىراتىن پيلوتتىق مەكەمەلەر رەتىندە وبلىستىق كلينيكالىق اۋرۋحانا جانە №3 قالالىق ەمحانا تاڭداپ الىندى.

2016 جىلى 1064 دانا (152،3 ملن. تەڭگە)، 2017 جىلى 947 دانا كومپيۋتەرلىك تەحنيكا ساتىپ الىندى. ول جەرگىلىكتى بيۋدجەت قارجىسى ەسەبىنەن (162،5 ملن. تەڭگە) جانە مەديسينا ۇيىمدارىنىڭ ءوز قاراجاتى ەسەبىنەن جۇرگىزىلدى. ءسويتىپ، تەحنيكامەن جاراقتاندىرۋ دەڭگەيى 100 پايىزعا جەتتى.

بقو دەنساۋلىق ساقتاۋ باسقارماسىمەن مەملەكەتتىك-جەكە ارىپتەستىكتى (ءمجا) دامىتۋ ماقساتىندا ەكى جوبانى جۇزەگە اسىرۋ ءۇشىن كەلىسىمشارتتار ازىرلەنۋدە. ولار: «شىڭعىرلاۋ اۋدانىنىڭ لۋبەن اۋىلىندا اۋىسىمىنا 35 ادامدى قابىلداۋعا ارنالعان دارىگەرلىك امبۋلاتوريانى سالۋ جانە پايدالانۋ»؛ «وبلىستىق كلينيكالىق اۋرۋحاناعا ماگنيتتىك-رەزونانستىق توموگرافتى ليزينگكە الۋ» جوبالارى.  

• الەۋمەتتىك ماڭىزى زور «وبلىستىق كلينيكالىق اۋرۋحاناعا ماگنيتتىك-رەزونانستىق توموگرافتى (مرت) ليزينگكە الۋ» جوباسى بويىنشا كونكۋرس وتكىزىلىپ، جەڭىمپاز انىقتالدى (دال كازاحستان ج ش س، الماتى قالاسى). ەندى كەلىسىمشارتقا قول قويۋ كوزدەلۋدە. مرت كومەگىمەن ەرەكشە قيىن دەرتتەردى ۋاقىتىندا انىقتاپ، ەمدەۋگە جول اشىلادى.

• شىڭعىرلاۋ اۋدانىنىڭ لۋبەن اۋىلىندا اۋىسىمىنا 35 ادامدى قابىلداۋعا ارنالعان دارىگەرلىك امبۋلاتوريانى سالۋ جانە پايدالانۋ» جوباسى بويىنشا دا جەڭىمپاز بەلگىلى بولدى (لايگە ج ش س، ورال قالاسى) جانە ينۆەستورمەن شارتقا قول قويىلۋ كۇتىلۋدە. اتالعان اۋىلدىڭ الەۋمەتتىك-ەكونوميكالىق ەسكەرە وتىرىپ، بۇل جوبا حالىقتىڭ دەنساۋلىعىن ودان ءارى جاقسارتۋعا، سونىڭ ىشىندە سكرينينگتەر وتكىزۋگە كوپ كومەگىن تيگىزەدى دەگەن سەنىم مول.

         وبلىستىڭ دەنساۋلىق ساقتاۋ سالاسىن دامىتۋعا وراي 2018 جىلعا ارنالعان جوبا-جوسپارلار:

- «دەنساۋلىق» باعدارلاماسىنىڭ جوسپارلانعان كورسەتكىشتەرىنە جەتۋ؛

- اقجايىق اۋدانىندا ينسۋلت ورتالىعىن اشۋ؛

- وقۋ-كلينيكالىق ورتالىعى (وكو) بازاسىندا قازۇمۋ، AlmaUniversity فيليالدارىن اشۋ؛

- قاعازسىز اۋرۋحانا - 100%؛

- ءمجا كەلىسىمشارتتارىن جۇزەگە اسىرۋ؛

- باقىلاۋ كەڭەستەرىندە كورپوراتيۆتىك مەنەدجمەنت ەنگىزۋ؛

- 15 نىساندى كۇردەلى جوندەۋ.

ء-بىرىڭعاي ءموبيلدى قوسىمشا جاساقتاۋ.