شىعىس قازاقستان ءوڭىرىنىڭ وقۋشىلارى ءبىلىم ساپاسىن تەكسەرەتىن سىرتقى باقىلاۋدان بوساتىلادى، دەپ حابارلايدى حابار 24-كە سىلتەمە بەرىپ Qamshy.kz اقپارات اگەنتتىگى.
مۇنى بۇگىن ءبىلىم جانە عىلىم ءمينيسترىنىڭ ورىنباسارى اسحات ايماعامبەتوۆ ايتتى. بۇعان سەبەپ، وبلىستىڭ كەي جەرلەرى سۋ قۇرساۋىندا قالعان. سوندىقتان ءدال ءقازىر وقۋشىلاردان سىناق الۋ قيىن شارۋا.
ايتا كەتۋ كەرەك، ءبىلىم دەڭگەيىن باقىلايتىن سىناق 2012 جىلدان بەرى جۇرگىزىلىپ كەلەدى. ونى مەكتەپ قابارعاسىنداعى 4، 9 جانە 11 سىنىپ وقۋشىلارى تاپسىرادى.
- شىعىس قازاقستان وبلىسىنداعى كۇردەلى جاعدايعا بايلانىستى وقۋشىلاردى ءبىلىم ساپاسىن تەكسەرەتىن سىناقتاردان بوساتۋدى ۇيعاردىق. وڭىردەگى جاعدايعا بايلانىستى سىناق تاپسىرۋ مۇمكىن ەمەس. بيىل باقىلاۋ جۇمىستارى 9 ساۋىردەن باستالاتىنىن ايتا كەتۋ كەرەك، - دەدى ق ر ءبىلىم جانە عىلىم ءمينيسترىنىڭ ورىنباسارى اسحات ايماعامبەتوۆ.
پىكىر قالدىرۋ