الماتى اكىمى باۋىرجان بايبەك قالانىڭ بارلىق ءتيىستى قىزمەتتەرىنە «كوكجيتەكتەگى» كوپپاتەرلى ءۇيدى ورتتەن كەيىن بارىنشا قىسقا مەرزىمدە قايتا قالپىنا كەلتىرۋ جۇمىستارىن جۇرگىزۋدى،سونىمەن قاتار تۇرعىنداردى ۋاقىتشا ورنالاستىرۋعا جانە ولاردىڭ مۇلىكتەرىنىڭ ساقتالۋىن قامتاماسىز ەتۋگە كومەكتەسۋدى تاپسىردى.

قالانىڭ قۇتقارۋ قىزمەتىنىڭ جانە جەتىسۋ اۋدانى اكىمدىگىنىڭ كۇشىمەن №177 مەكتەپتە شتاب قۇرىلىپ، مۇندا ۇيىقتايتىن ورىندار جانە تاماقپەن قامتاماسىز ەتۋ ۇيىمدپاستىرىلعان.

قازىرگى كەزدە ۇيدەگى ەلەكتروەنەرگيا، گاز جانە باسقا كوممۋنيكاسيالار اجىراتىلعان. پوليسيا ءۇيدى قورشاۋعا العان.

ەرتەڭنەن باستاپ ءورت شىعىنىنىڭ كولەمىن انىقتايتىن كوميسسيا تەكسەرۋدى باستايدى. ءورتتىڭ نە سەبەپتى بولعانىن انىقتايتىن ءتيىستى ءورت- تەحنيكالىق ساراپتاما ناتيجەسىنەن سوڭ عانا ءۇي قالپىنا كەلتىرىلۋى مۇمكىن.

الماتىدا «كوكجيەك» ىقشام­اۋ­دانىندا ورنالاسقان كوپقابات­تى ءۇي ورتەنىپ، 300 ادام ەۆاكۋا­سيالاندى. بۇل تۋرالى الماتى قالاسى توتەنشە جاعدايلار دە­پارتامەنتىنىڭ باسپا ءسوز قىزمەتى حابارلادى.

الماتى قالالىق توتەنشە جاعداي دەپارتامەنتىنىڭ اقپاراتىنا قارا­عاندا، 5 ءساۋىر كۇنى ساعات 16.03-تە «كوكجيەك» ىقشاماۋدانىنداعى №32 ۇيدە ورنالاسقان پاتەردىڭ بالكو­نىنان ءورت شىققانى تۋرالى حابار تۇسكەن. وقيعا ورنىنا ءورت ءسوندىرۋ­شىلەر بارىپ، كوپقاباتتى ۇيدەگى ءورتتى سوندىرۋگە كىرىسكەن.

– 16.03-تە الماتى تجد-نىڭ 101 پۋلتىنە جەتىسۋ اۋدانى، «كوكجيەك»، 32ء-ۇي مەكەن-جايىندا ءورت شىققانى تۋرالى حابار ءتۇستى. ءورت ءسوندىرۋشى­لەر وقيعا ورنىنا جەتكەندە بەلگىلى بولعانداي، «كوكجيەك» شاعىناۋ­دانىن­داعى №32 ءۇيدىڭ 3 بالكونى وتقا ورانعان. ادامدار ءقاۋىپسىز جەرگە كوشى­ءرىلدى. ءورت سوندىرۋشىلەر وقيعا ورنىنا 16.11-دە جەتتى. وقيعا ورنىنا كەلگەن ءورت ءسوندىرۋ بولىمشەسى ءۇيدىڭ 1  مەن 5-قابات ارالى­عىنداعى بەت جاعى ورتەنىپ جاتقانىن انىقتادى. ءورتتىڭ الدىن الۋ اۋماعى 1000 شار­شى مەتر. ءۇيدىڭ توبەسىن تۇگەلدەي ءورت شالعان»، – دەدى الماتى تجد رەسمي وكىلى ساندۋعاش بايمۇحامبەتوۆا.

ونىڭ ايتۋىنشا، 5 قاباتتى ءۇيدىڭ بالكونىنان تۇتانعان ءورت ءۇيدىڭ شاتىرىن، مانساردىن تۇگەل شار­پىپ ۇلگەرگەن. وقيعا ورنىندا شتاب، ەكى ءورت ءسوندىرۋ ۋچاسكەسى قۇرىلدى. ءتىلسىز جاۋدى اۋىزدىقتاۋ ءۇشىن 82 ءورت ءسون­ءدىرۋشى، 25 تەحنيكا جۇمىل­دى­رىلدى. ورتەنگەن ۇيدەن 300 ادام ءقاۋىپسىز جەرگە شىعارىلدى.

ابىروي بولعاندا، اپاتتان ەشكىم زارداپ شەككەن جوق. دەگەنمەن، كۇت­پەگەن جەردەن بولعان ءتىلسىز جاۋدىڭ كەسىرىنەن ماتەريال­دىق شىعىنعا ۇشىراعان پاتەر تۇرعىندارى نە ىستەرلەرىن بىلمەي ابدىراپ قالدى. دەسەك تە، ولار «كوپ تۇكىرسە، كول» دەمەك­ءشى، حالىق­تان كومەك كۇتىپ وتىر. بۇل رەتتە الماتى قالاسىنىڭ اكىمى باۋىرجان بايبەك ءتيىستى ورگاندارعا «كوكجيەكتە» ورتەنگەن ءۇيدى جىلدام قالىپقا كەلتىرۋدى تاپسىردى. سونى­مەن قاتار، قالا اكىمى زارداپ شەككەن­دەردىڭ دۇنيە-مۇلىكتەرىنىڭ قولدى بول­ماۋىن قاداعالاۋ كەرەكتىگىن جەت­كىزدى.

قازىرگى تاڭدا تۇرعىن ۇيدەگى ەلەكتر قۋاتى، گاز جانە تاعى دا باسقا جۇيە­لەر ءسون­دىرىلگەن. جەتىسۋ اكىمدىگى مەن قالا قۇتقارۋ قىزمەتىنىڭ كۇشىمەن №177 مەكتەپتە شتاب قۇرىلىپ، زار­داپ شەككەندەرگە ارنالعان جاتىن ورىندار ازىرلەنگەن. ءورت ماس­شتابىن انىقتايتىن كوميسسيالىق تەكسەرىس باستا­لا­تىن بولادى.