الماتى اكىمى باۋىرجان بايبەك كەڭەيتىلگەن كەڭەس وتكىزدى، ونىڭ بارىسىندا مەردىگەرلىك ۇيىمدار مەگاپوليستە الداعى ۋاقىتتا جولداردى جوندەۋدىڭ ناقتىلى مەرزىمى مەن كولەمى كورسەتىلگەن جاڭارعان جوسپاردى ۇسىندى.

قالا باسشىسى كەڭەسكە قاتىسۋشىلاردىڭ نازارىن تۇرعىندارعا قولايلى بولۋ ءۇشىن جۇمىستى بارىنشا ساپالى ءارى قىسقا مەرزىمدە اياقتاۋعا اۋداردى. ءقازىردىڭ وزنىدە بارلىق مەردىگەرلىك ۇيىمدار ارنايى جاسالعان قورشاۋلاردى الدى. ءار وبەكتىدە مەردىگەر - كومپانيا ديرەكتورنىنىڭ، جۇمىسقا تەحنيكالىق باقىلاۋ جاسايتىن جانە اياقتالۋ مەرزىمىن قاداعالايتىن ۇيىمداردىڭ بايلانىستارى كورسەتىلگەن پاسپورت ورناتىلادى.

قالانىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ ءار اقاۋلى كوشە بويىنشا بورديۋرلەر سانىنىڭ انىقتالعاندىعىن جانە ولاردىڭ دەنى دۇرىس ەكەنىن، جاسالعان بۇل اكت كەيىن ناۋرىزباي جانە الاتاۋ اۋداندارىنا بەرىلەتىنىن ايتتى.

«بيىلعى جىلى جوندەلەتىن ءار كوشە بويىنشا ءبىز اقاۋ اكتىسىن جاسادىق. بۇلارداعى الىنىپ قالعان بورديۋرلەر قايتا قولدانىلادى، ياعني تروتۋارلار، پاندۋستار جانە بيىل جوندەۋ جۇمىستارى قاراستىرىلماعان كوشەلەر ءۇشىن پايدالانىلادى. بارلدىق ءتيىستى اقپارات اكىمدىكتىڭ «Open Almaty» قوعامدىق قابىلداۋىنىڭ پورتالىندا جاريالانادى» - دەدى ول.

مەگاپوليس باسشىسىنىڭ تاپسىرماسى بويىنشا اۋداندىق اكىمدىكتەر جۇرگىنشىلەرگە قيىندىق تۋعىزاتىن ءتۇرلى قۇرىلىستار جاۋلاپ العان تروتۋارلاردى تەكسەردى. ستيحيالى تۇراقتىڭ الدىن الۋ جانە جۇرگىنشى قاۋىپسىزدىگىن قامتاماسىز ەتۋ ءۇشىن قوزعالىس قىسقارىپ، تروتۋارلار اباتتاندىرىلادى.

ەسكە سالساق، الماتىدا 2018 جىلى ۇزىندىعى 155 شاقىرىم بولاتىن 157 كوشە جوندەلەدى. ماقاتايەۆ، بايتۇرسىنوۆ جانە جاروكوۆ كوشەلەرىندەگى ترامۆاي جولدارىن الىپ تاستاۋ قاراستىرىلعان. جول جيەگىندەگى تروتۋارلار اباتتاندىرىلادى، ارىق ناۋالارى جاڭارادى، قاجەت ەمەس كونسترۋكسيالار الىنادى، اينالا جاسىلداندىرىلادى، بۇعان قوسا تۇراق قالتالارى قيعاشتانادى.