جۇمىس ساپارى بارىسىندا الماتى اكىمى باۋىرجان بايبەك اباي، ابىلاي حان، جەلتوقسان، نازاربايەۆ داڭعىلدارىن جانە باسقالارىن ارالاپ كوردى. قالانىڭ ءتيىستى باسقارمالارى مەن كوممۋنالدىق قىزمەتىنە بۇرىننان بار سۋبۇرقاقتاردى قالپىنا كەلتىرۋدى، جۇرگىنشى ايماعى مەن تروتۋارلاردى ۇلعايتۋدى، نىساندار جانىنداعى جاسىل جەلەكتى تۇزەۋدى، تاريحي عيماراتتاردىڭ سىرتىنا ەجەلگى كەلبەتىن قايتارۋدى تاپسىردى.

«قالانىڭ تاريحي ورتالىعىن جاڭارتۋ - تاياۋ ارادا اتقارىلاتىن ۇلكەن جۇمىستاردىڭ باسى عانا. ءقازىر ءبىز توگىلگەن اسفالتتى، ءجۇرۋ ايماعىنداعى ءتۇرلى قۇرىلىستاردى، كولىك اراسىنان امالسىز وتەتىن جانداردى، ءوزى ادەمى بولعانىمەن سىرتىنا تۇسىنىكسىز نارسەلەر جاپسىرىلعان تاريحي عيماراتتاردى كورۋدەمىز. ءار كۆارتال، ءاربىر كوشە جوندەلىپ، رەتكە كەلتىرىلەدى. الماتىنىڭ بۇرىنعى تارتىمدىلىعىن قايتاراتىن كەز جەتتى»، - دەدى باۋىرجان بايبەك.

الماتى اكىمى جۇمىس ساپارى بارىسىندا كۇردەلى جوندەۋدەن وتەتىن ءبىرقاتار جەر استى وتپەلى جولداردى دا كوردى. مەگاپوليس باسشىسى بۇلار جوندەلەتىن كەزدە بۇرىلىستاردا جاياۋ جۇرگىنشىلەر ءۇشىن ءقاۋىپسىز قوزعالىستى قامتاماسىز ەتۋدى تاپسىردى.

جالپى، بيىلعى جىلى قالانىڭ تاريحي ورتالىعىن جاڭارتۋ ودان ءارى جالعاسادى. عيماراتتاردىڭ سىرتى جاڭارادى، جۇرگىنشى ايماقتارى كەڭەيەدى، كىرۋ توپتارى ءبىرىڭعاي ارحيتەكتۋرالىق سيپات الادى. جوبا مەملەكەت باسشىسىنىڭ جولداۋى اياسىنداعى مەگاپوليستى مودەرنيزاسيالاۋ جانە ودان ءارى ەكونوميكالىق دامىتۋعا قاتىستى جاسالعان «الماتىنى دامىتۋدىڭ 50 درايۆەرىنىڭ» ءبىرى بولىپ تابىلادى.

ەسكە سالساق، بۇرىندارى باۋىرجان بايبەك تروتۋارلاردىڭ بويىندا ءتۇرلى قۇرىلىستار جۇرگىزىپ، جاياۋ جۇرگىنشىلەرگە كوپ كەدەرگى كەلتىرەتىندەردى انىقتاۋ جونىندە تاپسىرما بەرگەن ەدى. ستيحيالى تۇراقتاردىڭ الدىن الۋ، جۇرگىنشىلەردىڭ قاۋىپسىزدىگىن ارتتىرۋ ءۇشىن كوشە قوزعالىسى قىسقارىپ، تروتۋارلار اباتتاندىرىلادى.

الماتىدا 2018 جىلى ۇزىندىعى 155 شاقىرىم بولاتىن 157 كوشە جوندەلەدى، ماقاتايەۆ، بايتۇرسىنوۆ جانە جاروكوۆ كوشەلەرىندەگى ترامۆاي جولدارى الىنادى.جول جيەگىن جوندەۋ بارىسىندا تروتۋارلار ابتتاندىرىلادى، ارىق ناۋالارى الماستىرىلادى، قولدانىلمايتىن كونسترۋكسيالار جويىلادى، بۇعان قوسا تۇراق قالتالارى قيعاشتانادى.