الماتى اكىمى باۋىرجان بايبەك استانا جانە قازاقستان ءميتروپوليتى الەكساندرمەن، سونىمەن قاتار ەپيسكوپ دجۋزەپپە فاۆالە باستاعان كونۆەرسانو جانە مونوپولي ەپارحياسىنىڭ دەلەگاسياسىمەن كەزدەستى. كەزدەسۋ بارىسىندا ءدىني جانە ۇلتارالىق كەلىسىم،قالانىڭ ەتنومادەني بىرلەستىكتەرىن قولداۋ مەن ىنتماقتاستىق ماسەلەلەرى ءسوز بولدى.
«ءبىز بۇل جەردەن شىنايى تولەرانتتىقتى، قازاقستان جەرىندە جوعارى باعالاناتىن بارلىق كونفەسسيالاردىڭ بەيبىت جانە الەۋمەتتىك ءومىرىن كوردىك. مەن الماتى سىندى اسەمقالانى، الەمنىڭ ءار بۇرىشىنان ادامدار قۋانا كەلەتىن وسىنداي قوناقجاي مەكەندى، قازاقستاندى، ءبىز بۇگىن كورگەن باي ۇلتتىق مۇرا مەن عاجاپ تابيعاتتى بارىنشا كوپ جانداردىڭ بىلگەنىنەن قالايمىن»، - دەپ اتاپ ءوتتى ەپيسكوپ دجۋزەپپە فاۆالە.
ول قازاقستاننىڭ ءتۇرلى ۇلتتار مەن ءتۇرلى ءدىني سەنىمدەردى اينالاسىنا شوعىرلاندىرعانىن ايتتى. ءوزىنىڭ سوزىندە ول باي تاريحي كيەلى جەردە بەيبىتشىلىكتى ساقتاۋدا، ءوزارا ىنتىماقتاستىقتى قالىپتاستىرۋدا وسىنداي ونەگەلى جۇمىستاردى ودان ءارى جالعاستىرا بەرۋ كەرەكتىگىن جەتكىزدى.
ايتا كەتەرلىگى، قازىرگى كەزدە قازاقستان حالىقتارى اسسامبلەياسىنا الماتى قالاسى بويىنشا 34 ەتنومادەني بىرلەستىكتەر كىرەدى، ەتنيكالىق ب ا ق شىعىپ تۇرادى، بىرنەشە ۇلتتىق تەاترلار بار، 13 جەكسەنبىلىك مەكتەپ انا ءتىلىن وقىتۋ بويىنشا ناقتىلى جۇمىستار جۇرگىزۋدە.
پىكىر قالدىرۋ