الماتىدا مەلەكەتتىك ورگاندار مەن قالانىڭ بيزنەس - قاۋىمداستىعى وكىلدەرىنىڭ قاتىسۋىمەن جىل سايىنعى كونفەرەنسيا ءوتتى. تاراپتار قالانىڭ بيزنەس – احۋالىن جاقسارتۋدىڭ ماڭىزدى ماسەلەلەرىن تالقىلادى.

«اتامەكەن» ۇكپ پرەزيديۋمىنىڭ ءتوراعاسى تيمۋر قۇلىبايەۆ ءوزىنىڭ قۇتتىقتاۋ سوزىندە ۇيىم قۇرىلعان 2013 جىلدان بەرى قاراي كاسىپكەرلەردىڭ قۇنى 92 ملرد. تەڭگەدەن اساتىن مۇلىكتىك قۇقىقتارى قورعالعاندىعىن ايتتى.پالاتانىڭ قولداۋى بارىسىندا ەلىمىزدىڭ جاڭا سالىق كودەكسى جاسالدى، 20 مىڭنان استام ءنورماتيۆتى – قۇقىقتىق اكتىلەر جوبالارى مەن زاڭجوبالارى ساراپتامادان ءوتتى.

«الماتى - ەلىمىزدەگى بيزنەستىڭ تال بەسىگى، مۇندا كاسىپكەرلەردىڭ باسىم بولىگى شوعىرلانعان. قازىرگى كەزدە قالادا ولاردىڭ ەش كەدەرگىسىز جۇمىس ىستەۋلەرى ءۇشىن بيزنەس- احۋال قالىپتاسقان. بيىلعى جىلى قالادا كاسىپكەرلەرگە قىزمەت كورسەتەتىن تولىق فورماتتى ورتالىق اشۋدى جوسپارلاپ وتىرمىز، ول رۇقسات قۇجاتتاردى «ءبىر تەرەزە» قاعيداسى بويىنشا تىركەيتىن بولادى»، - دەدى سكازال تيمۋر قۇلىبايەۆ.

ءوز كەزەگىندە الماتى اكىمى باۋىرجان بايبەك اتالعان كونفەرەنسيانىڭ مەملەكەت پەن بيزنەس اراسىنداعى ديالوگتىڭ ءتيىمدى الاڭىنا اينالعانىن اتاپ ءوتتى.

«مەملەكەت باسشىسىنىڭ تاپرسىرماسى بويىنشا الماتىدا جەكە باستامالاردى ىنتالاندىرۋعا جانە بيزنەس- احۋالدى جاقسارتۋعا ەرەكشە كوڭىل بولىنەدى. بۇگىنگى كۇنى مەگاپوليس جەكە بيزنەس پەن شيكىزاتسىز ەكونميكا كاپيتالىنىڭ قالاسى رەتىندە قالىپتاسۋدا، مۇندا ءشوب-تىڭ 170 مىڭنان استام سۋبەكتىسى بار، بۇلار 10 الماتىلىقتىڭ 7ء-ىن جۇمىسپەن قامتاماسىز ەتۋدە. ۇكپ مەن بىرگە ءبىز بيزنەس جۇرگىزۋدىڭ جاعدايىن جاسقارتۋ بويىنشا جۇمىستاردى جۇزەگە اسىرۋدامىز، نەسيە رەسۋرستارىنىڭ قولجەتىمدىلىگى جانە اكىمشىلىكتىڭ كەدەرگىلەردىڭ ازايۋى باستى باعىت بولۋدا»، - دەدى باۋىرجان بايبەك.

مىسالى، الماتىدا ينۆەستيسيالىق احۋالدىڭ تارتىمدىلىعىن ارتتىرۋ ءۇشىن قۇرىلىس سالۋ مەن كوممۋنالدىق جەلىلەرگە قوسىلۋ پروسەسستەرى ەلەكتروندى فورماتقا كوشىرىلگەن. almaty.genplan.kz ينتەراكتيۆتى كارتادا قىزىل جيەكتەر، ينجەنەرلىك جەلىلەر، ەلەكتر ەنەرگياسى مەن سۋدىڭ بوس قۋاتتارى اشىق جاريالانعان. بيزنەس وكىلدەرىنە قالانىڭ جەكە جوسپارى مەن دامۋدىڭ باس جوسپارى، الىنعان جانە بوس جاتقان جەر ۋچاسكەلەرى كورسەتىلگەن جەر-كاداسترلىق كارتا دا قوجەتىمدى بولۋدا.

وتكەن جىلى ەلەكتروندى فورماتتا كورسەتىلگەن مەملەكەتتىك قىزمەت سانى 8 ەسە ءوستى. بيىلعى جىلى «paper-free» قاعيداسى بويىنشا اكىمدىكتىڭ كورسەتەتىن 10 اكتۋالدى قىزمەتى ەلەكتروندى فورماتقا كوشىلىرگەن.

بۇلاردان وزگە،تۇكش سالاسىندا، اقىلدى جاريالاۋدا جانە Big dataنى قالىپتاستىرۋدا جاڭا جوبالاردى ىسكە اسىرۋ جوسپارلانعان. Open Almaty الاڭىنىڭ «ءبىر تەرەزە» فورماتىندا تەحنيكالىق جاعدايلاردى جاساۋ قىزمەتىن ۇسىنۋ جوبالانعان.الماتىنى دامىتۋ ورتالىعىنىڭ بازاسىندا سيفرلاندىرۋ ءوفيسى قۇرىلعان.

ايتا كەتەرلىگى، بۇگىنگى كۇنى «بيزنەستىڭ جول كارتاسى- 2020» باعدارلاماسى بويىنشا مەگاپوليس بەكىتىلگەن جوبالار سانى بويىنشا ءبىرىنشى ورىنعا شىقتى. «ءونىمدى ەڭبەكپەن قامتۋدى دامىتۋ جانە بۇقارالىق كاسىپكەرلىك» باعدارلاماسى قولعا الىنعان، ول جۇمىسسىزدار مەن ءوز بەتىنشە ەڭبەكتەنۋشىلەردى جىلىنا 6% نەسيە بەرۋ جولىمەن كاسىپكەرلىككە تارتۋعا باعىتتالعان. باعدارلاما باستالعالى بەرى قۇنى 1،4 ملرد. تەڭگە بولاتىن 90 جوبا قارجىلاندىرىلدى.