جامبىل وبلىسىنداعى باتىس ەۋروپا - باتىس جۇڭگو تاس جولىنىڭ بويىندا جولاۋشىلار اۆتوبۋسى اپاتقا ۇشىرادى، دەپ حابارلايدى Qamshy.kz اقپارات اگەنتتىگى جامبىل وبلىستىق ءىىد باسپا ءسوز قىزمەتىنە سىلتەمە جاساپ.
جول-كولىك وقيعاسى تاڭعى ساعات 7.40-تا بولعان. قورداي اۋدانى سوعان اۋىلىنىڭ ماڭىندا ىشىندە 17 جولاۋشىسى بار «Mersedec Sprinter» شاعىن اۆتوبۋسى اۋدارىلدى.
— سالدارىنان ەكى ادام مەرت بولدى. جارالانعان جولاۋشىلار قورداي اۋدانىنىڭ ورتالىق اۋرۋحاناسىنا جەتكىزىلدى. سوتقا دەيىنگى تەرگەۋ جۇمىستارى جۇرگىزىلۋدە. وقيعانى سەبەپ-سالدارى تەكسەرىلىپ، ءبىرقاتار ساراپتامالىق جۇمىستار جاسالىپ جاتىر، - دەلىنگەن باسپا ءسوز حابارلاماسىندا.
پىكىر قالدىرۋ