2017 جىلى ءدىن سالاسىنداعى قۇقىق بۇزۋشىلىق بويىنشا 27 ادام اكىمشىلىك جاۋاپكەرشىلىككە تارتىلدى.
الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا ءدىن ىستەرى جونىندەگى باسقارماسىنىڭ باسشىسى ايدار ەسەنبەكوۆ، 2017 جىلى باسقارما تاراپىنان اكىمشىلىك قۇقىق بۇزۋشىلىق بويىنشا 36 حاتتاما تولتىرىلىپ، ونىڭ ىشىندە 27 ادام اكىمشىلىك جاۋاپكەرشىلىككە تارتىلدى دەپ مالىمدەدى.
سونىڭ ىشىندە ءدىني مازمۇنداعى ءدىني ادەبيەتتەر مەن ماتەريالداردى تاراتۋ بويىنشا – 14، ءدىني راسىمدەردى بەلگىلەنگەن ورىنداردان تىس وتكىزۋ – 6، جەرگىلىكتى اتقارۋشى ورگاننىڭ رۇقساتىنسىز ميسسيونەرلىك قىزمەتتى جۇزەگە اسىرۋ – 12، ءدىني راسىمدەرگە كامەلەت جاسقا تولماعانداردىڭ قاتىسۋى بولىگىندە ءدىني بىرلەستىك تاراپىنان شارا قابىلداماۋى بويىنشا – 4.
باسقارما تاراپىنان قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017-2020 جىلدارعا ارنالعان تۇجىرىمداماسىن ىسكە اسىرۋ بويىنشا ءىس-شارالار جوسپارىنا جانە 2018-2022 جىلدارعا ارنالعان ءدىني ەكسترەميزم جانە تەرروريزمگە قارسى ءىس-قيمىل جونىندەگى مەملەكەتتىك باعدارلاماعا سايكەس كەلەسى باعىتتار بويىنشا ءىس-شارالار وتكىزۋ جوسپارلانۋدا:
- ءدىني ەكسترەميزم مەن تەرروريزمدى ەسكەرتۋ جانە الدىن الۋ بويىنشا تۇرعىندار اراسىندا ءاقپاراتتىق-تۇسىندىرۋ جۇمىسى (جالپى سانى 100 000 ادام بولاتىن 600-گە جۋىق ءىس-شارا)؛
- دەسترۋكتيۆتى جانە ەكسترەميستىك ءدىني اعىمداردىڭ راديكالدى جانە جالعان يدەولوگيالارىنىڭ ىقپالىنا ۇشىراعان ادامدار ءۇشىن كەڭەس بەرۋ، الدىن الۋ جانە وڭالتۋ قىزمەتتەرىن كورسەتۋ بويىنشا وڭالتۋ ورتالىعىنىڭ قىزمەتىن ۇيىمداستىرۋ جانە جالعاستىرۋ؛
- قازاقستان قوعامىنىڭ زايىرلى قۇندىلىقتارىن نىعايتۋعا جانە ىلگەرىلەتۋگە باعىتتالعان الەۋمەتتىك جوبالاردى جۇزەگە اسىرۋ؛
- ءدىني بىرلەستىكتەرمەن ءوزارا بايلانىس، قىزمەتىن مونيتورينگىلەۋ (الماتى قالاسى اكىمى جانىنداعى ءدىني بىرلەستىكتەرمەن بايلانىس جونىندەگى كەڭەس، ءدىني بىرلەستىكتەر كوشباسشىلارىنىڭ كلۋبى)؛
- اقپاراتتى جۇمىس (ب ا ق، الەۋمەتتىك جەلىلەر ارقىلى ءدىن سالاسىنداعى مەملەكەتتىك ساياساتتى جۇزەگە اسىرۋعا باعىتتالعان ماتەريالدار، فيلمدەر، روليكتەر)؛
- قالا تۇرعىندارىنىڭ دىنگە سەنۋشى بولىگى ءۇشىن سپورتتىق جوبانى جالعاستىرۋ،
نەگىزگى نازار بارلىق تۇسەتىن اقپاراتتاردى جيناقتاۋ مەن جۇيەلەۋگە، الدىن الۋ جۇمىستارىنىڭ جاڭا ادىستەرى مەن تەتىكتەرىن ازىرلەۋگە، قىزمەتتى ادىستەمەلىك، ساراپتامالىق جانە اقپاراتتىق سۇيەمەلدەۋگە جانە مۇددەلى مەملەكەتتىك ورگاندار ءۇشىن ناقتى ۇسىنىستاردى ازىرلەۋگە اۋدارىلاتىن قىزمەتتەردىڭ قازىرگى بار باعىتتارىنداعى جۇمىس كۇشەيتىلەتىن بولادى.
ءارى قاراي قوعامدىق تۇراقتىلىقتى نىعايتۋداعى جانە قازاقستاندىق بىرەگەيلىكتى قالىپتاستىرۋداعى بولجامدى باعىتتارعا سايكەس الماتى قالاسىنىڭ جەرگىلىكتى اتقارۋشى ورگاندارىمەن ۇلتارالىق جانە كونفەسسياارالىق قاتىناستاردى جەتىلدىرۋ، بەرىك بەيبىتشىلىك پەن كەلىسىمدى ورناتۋ ءۇشىن قاجەتتى شارالار قابىلداناتىن بولادى، - دەپ ءسوزىن قورىتىندىلادى باسقارما باسشىسى ايدار ەسەنبەكوۆ.
