يسلام ءدىنى باعىتىنداعى ددا 570 ۇستانۋشىسىمەن اڭگىمەلەسۋ جۇرگىزىلدى.

مۇنداي تىڭ اقپاراتتى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا ءدىن ىستەرى جونىندەگى باسقارماسىنىڭ باسشىسى ايدار ەسەنبەكوۆ مالىمدەدى.

ايدار راحىمجان ۇلىنىڭ بايانداۋىنشا، ددا ۇستانۋشىلاردىڭ شوعىرلاناتىن نەگىزگى ورىندارى شاعىن جانە ورتا بيزنەس نىساندارى (بازارلار، ساۋدا ۇيلەرى، ۇيالى تەلەفونداردى جوندەۋ ورىندارى جانە ت.ب.) بولىپ تابىلادى.

ددا ۇستانۋشىلارىمەن بارلىق وڭالتۋ جۇمىستارى اكىمدىكتىڭ قۇقىق قورعاۋ ورگاندارى جانە ارنايى ورگاندار قىزمەتكەرلەرىمەن، قمدب ءوزارا تىعىز بايلانىستا جۇزەگە اسىرىلادى.

2016 جىلى الەۋمەتتىك ماڭىزدى جوبالاردى ورىنداۋ بويىنشا مەملەكەتتىك الەۋمەتتىك تاپسىرىس اياسىندا كەڭەس بەرۋ، الدىن الۋ جانە وڭالتۋ ورتالىعى قۇرىلدى.

جالپى 2017 جىل باسىنان باستاپ يسلام ءدىنى باعىتىنداعى ددا 570 ۇستانۋشىسىمەن اڭگىمەلەسۋ جۇرگىزىلدى. نەگىزگى جۇمىس ولاردى تەولوگيالىق باس تارتقىزۋ جانە ءداستۇرلى يسلام ارناسىنا بەت بۇرعىزۋ (حانافي مازحابى).

ورتالىقتىڭ، «نۇر-مۇباراك» ەگيپەت يسلام مادەنيەتى ۋنيۆەرسيتەتى قىزمەتكەرلەرىنىڭ جانە قالا مەشىتتەرى يمامدارىنىڭ وتكىزگەن وڭالتۋ جۇمىستارى ناتيجەسىندە ددا 245 ۇستانۋشىسى وڭالتىلدى.

وسى رەتتە، «دەسترۋكتيۆتى جانە ەكسترەميستىك ءدىني اعىمداردىڭ راديكالدى جانە جالعان يدەولوگيالارىنىڭ ىقپالىنا ۇشىراعان ادامدار ءۇشىن كەڭەس بەرۋ، الدىن الۋ جانە وڭالتۋ قىزمەتتەرىن كورسەتۋ بويىنشا وڭالتۋ ورتالىعىنىڭ قىزمەتىن ۇيىمداستىرۋ جانە جالعاستىرۋ» جوباسى اياسىندا جۇمىس جوسپارىنا سايكەس اعىمداعى جىلى راديكالدى ءدىني يدەولوگياعا بەيىم دەسترۋكتيۆتى ءدىني اعىمداردىڭ كەمىندە 1000 جاقتاستارى جانە ۇستانۋشىلارىمەن جەكە اڭگىمەلەسۋ وتكىزۋ جوسپارلانعان.

2017 جىلى قالانىڭ ءدىندار بولىگى ءۇشىن كەلەسى سپورت تۇرلەرى بويىنشا (مينيفۋتبول، گىر كوتەرۋ، ساداق اتۋ، قازاق-كۇرەسى، اسىق اتۋ، لاڭگى-تەبۋ، ارقان تارتۋ، باعاناعا ورمەلەۋ جانە ت.ب.) ۇيىمداستىرىلعان سپورتتىق جوبا حالىقتىڭ ءدىندار بولىگىندە ەرەكشە قىزىعۋشىلىق تۋدىردى.

جوبا اياسىنداعى مينيفۋتبول بويىنشا («الماتى قالاسى مەشىتتەرىنىڭ جاماعاتى اراسىنداعى فۋتبول ليگاسى») سايىستارعا قالانىڭ 48 مەشىتىنىڭ جاماعاتىنان قۇرالعان 403 كوماندا قاتىستى، ال، قاتىسۋشىلاردىڭ جالپى سانى 2500-نان استام ادامدى، ونىڭ ىشىندە 360-تان استام ددا ۇستانۋشىسىن قۇرادى.

جالپى العاندا، جوبا اياسىنداعى سپورتتىق-بۇقارالىق ءىس-شارالارعا الماتى قالاسىنىڭ 13 500-گە جۋىق ءدىندار جاماعاتى قاتىستى.

بۇدان وزگە، ءدىندار ايەلدەردىڭ راديكالدانۋىن تەجەۋ جانە شوعىرلانۋىنا جول بەرمەۋ ماقساتىندا جالپى سانى 1500-عا جۋىق ايەل قامتىلعان 200-دەن استام الدىن الۋ سيپاتىنداعى ءىس-شارا وتكىزىلدى.

جۇيەلى تۇردە ءدىني ەكسترەميزم مەن تەرروريزم يدەولوگياسىنىڭ ناسيحاتتالۋىن بولدىرماۋ ماقساتىندا قىلمىستىق تۇزەتۋ جۇيەسى مەكەمەلەرىندە جازاسىن وتەپ جۇرگەندەر، ونىڭ ىشىندە دەسترۋكتيۆتى ءدىني يدەولوگيانى ۇستانۋشىلار اراسىندا ءاقپاراتتىق-تۇسىندىرۋ جانە وڭالتۋ جۇمىستارى جۇيەلى تۇردە جۇرگىزىلىپ وتىرادى. مىسالىعا 2017 جىلى ماماندار 49 كەزدەسۋ جانە لەكسيا وتكىزىپ، 1113 ادام قامتىلدى.

ءدىن سالاسىنداعى نەگىزگى بولجامدىق قۇجاتتار، ناقتىراق ايتقاندا «قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017-2020 جىلدارعا ارنالعان تۇجىرىمداماسى» جانە «2018-2022 جىلدارعا ارنالعان ءدىني ەكسترەميزم جانە تەرروريزمگە قارسى ءىس-قيمىل جونىندەگى مەملەكەتتىك باعدارلاما» ەسەبىنەن ءدىن سالاسىنداعى تۇراقتى احۋالدىڭ ساقتالۋى جانە ددا ۇستانۋشىلارىنىڭ بەلسەندى قىزمەتىنىڭ باسەڭدەۋى كۇتىلۋدە. كورسەتىلگەن مىندەتتى ورىنداۋ ءۇشىن بۇدان ءارى بارلىق مەملەكەتتىك ورگانداردىڭ ءوزارا ءتيىمدى ارەكەتتەستىگى كۇتىلۋدە، - دەپ ءسوزىن تۇيىندەدى ايدار ەسەنبەكوۆ.