«Challenge Street Workout KZ» بايقاۋىنا قاتىسۋ ءۇشىن ەڭ كۇشتى ءوتىنىم ۇلتتىق قۇراما كوماندالارى مەن سپورت رەزەرۆى ديرەكسياسىنان كەلدى. 80-نەن استام سپورتشى مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىن قولدادى. ەلوردادا بۇكىل قازاقستاندىق تانىمال سپورتشىلار جينالىپ، بايقاۋعا ءوز ەرەكشەلىكتەرىن كورسەتتى. بۇل جولى جوباعا قىزدار دا بەلسەندىلىك تانىتىپ، قازاقستاندىقتاردى بۇقارالىق سپورتقا شاقىردى.

ۇلتتىق كوماندالار مەن سپورت رەزەرۆتەرى ديرەكسياسىنىڭ ديرەكتورى سامات ەرعالييەۆ بەيجىڭدەگى جازعى وليمپيادا ويىندارىنىڭ قولا جۇلدەگەرى، تاەكۆوندو فەدەراسياسىنىڭ ۆيسە-پرەزيدەنتى ارمان چيلمانوۆتان جولدامانى قابىلدادى.

«مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىمەن باستالعان اتالمىش بايقاۋ – بۇكىل ەل ءۇشىن ۇلكەن ماڭىزى بار، ءاربىر قازاقستاندىق سپورتپەن شۇعىلدانۋعا ءتيىس جانە بۇل حالىقتى سالاۋاتتى ءومىر سالتىنا ۇيرەتۋدى قاجەت ەتەتىن شارا. ءبىزدىڭ باسقارما بارلىق سپورتشىلاردى بىرىكتىرىپ، سپورتپەن شۇعىلدانۋدى قالاي جاقسى كورەتىنىمىزدى كورسەتىپ، ءبىز بارلىق وتانداستارىمىزدى وسى سپورت تۇرىندە وزدەرىنىڭ قابىلەتتەرىن كورسەتۋگە شاقىرامىز»، - دەدى سامات ەرعالييەۆ.

بۇگىنگى كۇنى «استانا-ارەنا» ستاديونىنداعى «Street Workout» بايقاۋىنا كەلىپ تۇسكەن ەڭ كوپ قاتىسۋشى ۇلتتىق كوماندالار مەن سپورت رەزەرۆتەرى ديرەكسياسىنىڭ ءوتىنىشى بولىپ تۇر، سەبەبى مۇندا كاراتە، سامبو كۇرەسشىلەرى، بالۋاندار، توعىزقۇمالاق شەبەرلەرى جانە ءتىپتى ءبىرشاما قولداۋشىلاردا جينالدى، ۇلتتىق قۇرامانىڭ كورسەتكىشىن مىنا سىلتەمە بويىنشا كورىپ، داۋىس بەرۋگە بولادى: https://youtu.be/HT6CkzwRPls

«Challenge Street Workout KZ» بايقاۋىنا العاش رەت قىزدار دا قاتىستى، ول تالدىقورعاندىق ازيا چەمپيونى جانە سامبودان الەم چەمپيوناتىنىڭ كۇمىس جۇلدەگەرى دينارا جۇمابايەۆا.

«مەن دزيۋدو جانە سامبو كۇرەسىنەن 4 جاسىمنان باستاپ شۇعىلدانا باستادىم. بالا كەزىمدە مەنى بيلەۋگە ماجبۇرلەدى، ءبىراق مەن ونى ۇناتپاي، اقىرىندا قىزدار وزدەرىن قورعايتىنداي كۇشتى بولۋى كەرەك دەپ وسى سپورتقا اۋىستىم»، - دەيدى دينارا.

Street Workout الاڭى ەكى ساعات بويى كەرەمەت شوۋعا اينالدى. الاڭدا ءبىرى سوققىسىنىڭ قانشالىقتى مىقتى ەكەنىن كورسەتىپ جاتسا، ءبىرى شتانگا كوتەرىپ، دەنەلەرىن تۋرنيكتە بىرنەشە رەت كوتەرىپ، ءتۇرلى ادىستەردى كورسەتتى. قاتىسۋشىلار اراسىندا بالالار، جاستار جانە ەرەسەك جاستاعى سپورتشىلاردا بولدى. بارلىعى ءبىر تۋرنيكتەن، ەكىنشى تۋرنيككە ءوتىپ ءارقايسىسى وزىنشە تۋرنيكتەردە شەبەرلىكتەرىن كورسەتۋگە تىرىستى.

«Challenge Street Workout KZ» بايقاۋىنىڭ اۋقىمى كۇن سايىن ارتىپ كەلەدى. وسى ءساندى جانە پايدالى جوباعا قازاقستاننىڭ كوپشىلىككە تانىمال تۇلعالارى دا قاتىسىپ، ءوز مۇمكىندىكتەرىن كورسەتۋدە.

«مەن ەستافەتانى مما قاۋىمداستىعىنىڭ ۆيسە-پرەزيدەنتى اناتوليي كيم مەن  گرەك-ريم، فريستايل جانە ايەلدەر كۇرەسى فەدەراسياسىنىڭ ۆيسە-پرەزيدەنتى ەرلان قوجاسبايعا جولدايمىن»، - دەدى سامات ەرعالييەۆ.

«قازاقستان بارىسى» ايبەك نۇعىماروۆ جاتتىعۋلارىن اياقتاي سالىسىمەن :

«مەن مادەنيەت جانە سپورت ءمينيسترى ارىستانبەك مۇحامەدي ۇلىنىڭ جولداماسىن قابىلداپ، ونى گەنناديي گولوۆكينگە، سونداي-اق مۋزارت توبىنىڭ ءانشىسى ساكەن مايعازييەۆكە جولدايمىن».

ەستەرىڭىزگە سالا كەتەيىك، مادەنيەت جانە سپورت ءمينيسترى ارىستانبەك مۇحامەدي ۇلى "Challenge Street Workout KZ" بايقاۋىن باستاعان بولاتىن. مينيستر اتالمىش جوبانى وليمپيادا چەمپيونى سەرىك ساپييەۆ، ءانشى قايرات نۇرتاس، اكتەر ءادىل احمەتوۆكە جولداعان بولاتىن. بۇل باستاماعا قولداۋ ءبىلدىرىپ، سپورتشىلارىمىز بىرىنەن سوڭ ءبىرى جوبانى جالعاپ كەتتى. ولاردىڭ قاتارىندا باحتيار ارتايەۆ، ءىلياس سۇلەيمەنوۆ، دەنيس تەن، گاليب دجافاروۆ، ارمان چيلمانوۆ پەن قانات يسلام دا بار.

بايقاۋعا قاتىسا وتىرىپ ءوز قالاڭىزعا نە اۋىلىڭىزعا StreetWorkout الاڭىن ۇتىپ الۋعا بولادى، سونىمەن بىرگە اقشالاي سىيلىقتاردا بار. بايقاۋدىڭ شارتتارىمەن "Challenge Street Workout KZ" سايتىندا تولىعىراق تانىسا الاسىز.

بايقاۋ 10 ماۋسىمعا دەيىن جالعاسادى.