قازاقستاندىق ءانشى ءمولدىر اۋەلبەكوۆا مەن جاس ورىنداۋشى رايىم ۋايىس مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاعان «Street Workout KZ» اكسياسىنا قاتىسىپ، تۋرنيكتەر مەن كوشە الاڭدارىندا ءوز كۇشتەرىن كورسەتىپ اتالمىش ەستافەتانى الماتى قالاسىنىڭ اكىمى باۋىرجان بايبەككە جولدادى.

قازاقستانداعى بۇقارالىق سپورتتى دارىپتەۋ ءۇشىن وتاندىق جۇلدىزدار جاتتىعۋ الاڭدارىندا ءوز كۇشتەرىن كورسەتىپ، حالىقتى سپورتقا شاقىردى.

ولار تۋرنيكتە تارتىلىپ بوي تۇزەپ، كوشە الاڭدارىندا ورنالاسقان ءتۇرلى جاتتىعۋ قۇرىلعىلارىندا ءوز كۇشتەرىن كورسەتتى.

«مەن بالامدى بوسانعان سوڭ، فيتنەسپەن بەلسەندى تۇردە جاتتىعا باستادىم. سەبەبى ءوزىمدى اۋىر سەزىندىم، ارتىق سالماقتى بايقادىم. جاستار، كوشەدەگى سپورت الاڭدارىنا بارىڭىزدار! قازىرگى تاڭدا كەز كەلگەن تۇرعىن ءۇي كەشىنىنىڭ الدىندا ورنالاسقان تۋرنيكتەر مەن ءتۇرلى جاتتىعۋ الاڭدارى دەنەنى ادەمى قالىپقا كەلتىرىپ، ءوزىمىزدى سەرگەك سەزىنۋگە كومەكتەسەدى »، - دەيدى ءمولدىر اۋەلبەكوۆا.

رايىم ۋايىس ءۇشىن بۇل بايقاۋ ەش قيىندىق تۋدىرماعان، سەبەبى ءوزىن فيزيكالىق تۇرعىدا جاقسى سەزىنەدى، ءارى ۇنەمى سپورت زالىندا جاتتىعادى ەكەن.

قازاقستاندىق ەسترادا انشىلەرى بۇقارالىق سپورتتى ناسيحاتتاپ، اتالمىش جوبانى الماتى قالاسىنىڭ اكىمى باۋىرجان بايبەككە جولدادى.

«ءبىز جولدامانى الماتى قالاسىنىڭ اكىمى باۋىرجان بايبەككە، «قازاق راديولارى» ءجشس-نىڭ ديرەكتورى ءمادي ماناتبەككە جانە ساحنادا بىرگە جۇرگەن ارىپتەستەرىمىز تالعات جورابايەۆ پەن ەرمەك مۇقاشيەۆكە جولدايمىز»، - دەدى ءمولدىر اۋەلبەكوۆا مەن رايىم ۋايىس.

ەستەرىڭىزگە سالا كەتەيىك، بارلىق قازاقستاندىقتارعا جولدانعان «Street Workout KZ» بايقاۋىنىڭ ەكى جەڭىمپازى بولادى.

Youtube-داعى ەڭ كوپ ۇناتىلعان ۆيدەو-جازبا جەڭىمپازى ءوزى قالاعان قازاقستاننىڭ كەز كەلگەن ەلدى مەكەنىنىڭ بىرىنەن ءوز اتىمەن ەڭ زاماناۋي سپورت الاڭىن سىيلىق رەتىندە الادى.

ال، ەكىنشى جۇلدە، ياعني 500 مىڭ تەڭگە ءادىلقازىلاردىڭ قازىلىعىمەن قاتىسۋشىلار ىرىكتەلىپ،ەڭ مىقتى قاتىسۋشىعا تابىستالادى.

ايتا كەتەيىك، مادەنيەت جانە سپورت ءمينيسترى ارىستانبەك مۇحامەدي ۇلى Challenge Street Workout KZ بايقاۋىن باستاپ، وليمپيادا چەمپيونى سەرىك ساپييەۆ، ءانشى قايرات نۇرتاس جانە اكتەر ءادىل احمەتوۆكە جولداعان بولاتىن.

اتالمىش بايقاۋعا تانىمال سپورتشىلاردا قاتىستى، ولار باحتيار ارتايەۆ، ءىلياس سۇلەيمەنوۆ، دەنيس تەن، گاليب دجافاروۆ، ارمان چيلمانوۆ، جاقسىلىق ۇشكەمپىروۆ، يگور مەلنيچەنكو سىندى سپورتشىلار.

ەندى بۇل بايقاۋ قازاقستاندىق ەسترادا جۇلدىزدارىنىڭ قاتىسۋىمەن تولىعىپ، سونداي-اق مەملەكەتتىك قىزمەتكەرلەردى وعان قوسىلۋعا شاقىردى، ايتا كەتەيىك، ماڭعىستاۋ وبلىسىنىڭ اكىمى تاناجانوۆ ەرالى دا اتالمىش بايقاۋعا قاتىسىپ وتىر.

بايقاۋ جايلى تولىق مالىمەتتى street-workout.kz. سايتىنان بىلۋگە بولادى.