ياكۋتياداعى سۋنتار اۋىلىندا كىشكەنتاي ءبۇلدىرشىن كىر جۋعىش ماشينانىڭ ىشىنە ءتۇسىپ كەتىپ، تۇنشىعىپ قازا تاپتى. ماماندار زەرتتەۋ جۇمىستارىن جۇرگىزىپ جاتىر. بۇل جايىندا Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ حابارلايدى.
2018 جىلدىڭ 11 مامىرىندا تەرگەۋ ورگانىنا ءبىر جارىم جاستاعى قىزدىڭ كىر جۋعىش ماشيناعا ءتۇسىپ كەتىپ قازا تاپقانى جايىندا اقپارات كەلىپ تۇسكەن. ءبۇلدىرشىن كىر جۋاتىن ماشينانىڭ ىشىندەگى سۋعا تۇنشىعىپ كوز جۇمعان.
دەرەكتەرگە سايكەس، 11 مامىر كۇنى كەشكى ۋاقىتتا قىزدىڭ اناسى كىر جۋاتىن ماشينانىڭ قوسىپ، قىزىن جالعىز قالدىرىپ كەتكەن. اناسى قايتىپ كەلگەندە ماشينانىڭ ىشىندەگى قىزىنىڭ دەنەسىن كورگەن.
بولعان وقيعانىڭ ءمان-جايى ءالى انىقتالۋدا.
پىكىر قالدىرۋ