الماتى اكىمى باۋىرجان بايبەك ءازىربايجان رەسپۋبليكاسى پرەزيدەنتىنىڭ كومەكشىسى الي گاسانوۆپەن كەزدەستى. تاراپتار ساۋدا-ەكونوميكالىق جانە مادەني گۋمانيتارلىق بايلانىستاردى نىعايتۋ ماسەلەلەرىن تالقىلادى.
ەكى جاقتى بايلانىستى نىعايتۋ ماقساتىندا ءازىربايجاندىق تاراپ الماتى مەن گياندجانى باۋىرلاس قالالارعا اينالدىرۋدى، سونىمەن قاتار مەگاپوليستە ءازىربايجاننىڭ ساۋدا ءۇيىن اشۋ مۇمكىندىگىن قاراستىرۋدى ۇسىندى.
كەزدەسۋ بارىسىندا الي گاسانوۆ قالا باسشىلىعى مەن ءال-فاراباي اتىنداعى قۇمۋ-نە ءازىربايجان تاريحى مەن مادەنيەتىنىڭ ورتالىعىن اشۋعا قولداۋ بىلدىرگەندەرى ءۇشىن العىسىن ايتتى.
«مەن بۇل ءىستىڭ حالىقتارىمىزدىڭ ءوزارا بىرلىگىن نىعايتۋعا جانە عىلىمي قۇندىلىقتاردى الماسۋعا وڭ ىقپال ەتەتىنىنە سەنىمدىمىن. ءبىز ءازىربايجان دەموكراتيالىق رەسپۋبليكاسىنىڭ 100 جىلدىعى مەن جالپىۇلتتىق جەتەكشىمىز گەيدار الييەۆتىڭ تۋعانىنا 95 جىل تولۋىنا وراي بىرنەشە كونفەرەنسيالار وتكىزىپ ۇلگەردىك. سوندىقتان بۇل قولداۋ ەكى ەل اراسىنادعى دوستىق پەن باۋىرمالدىقتىڭ كەپىلى بولىپ تابىلادى»، - دەدى ا.گاسانوۆ.
