بۇگىن الماتى قالاسىنىڭ قورعانىس ىستەرى جونىندەگى دەپارتامەنتى الماتى وڭىرلىك گارنيزونى اسكەري پوليسيا جاساعىمەن بىرگە "قازاقستان رەسپۋبليكاسى مەملەكەتتىك قىزمەتشىلەرىنىڭ ادەپتىلىك نورمالارىن جانە مىنەز-قۇلىق قاعيدالارىن ودان ءارى جەتىلدىرۋ جونىندەگى شارالار تۋرالى" قازاقستان رەسپۋبليكاسى پرەزيدەنتىنىڭ 2015 جىلعى 29 جەلتوقسانداعى № 153 جارلىعىمەن بەكىتىلگەن "قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىن" ءتۇسىندىرۋ، مەملەكەتتiك قىزمەتشiلەردiڭ مورالدىق-ادامگەرشiلىك بەينەسiنە جانە iسكەرلiك قاسيەتتەرىنە قويىلاتىن تالاپتاردى جوعارىلاتۋ ماقساتىندا شارا وتكىزدى.

اتالعان شارانىڭ نەگىزگى ماقساتى - ءاربىر مەملەكەتتىك قىزمەتشى ءوزىنىڭ بارلىق كۇش-جىگەرىن، ءبىلىمى مەن تاجىريبەسىن ءوزى جۇزەگە اسىراتىن كاسىبي قىزمەتىنە جۇمساي وتىرىپ، ءوزىنىڭ وتانى – قازاقستان رەسپۋبليكاسىنا قالتقىسىز ءارى ادال قىزمەت ەتۋ، ادال، ءادىل، قاراپايىم بولۋعا، جالپى قابىلدانعان مورالدىق-ادەپتىلىك نورمالارىن ساقتاۋ، ازاماتتارمەن جانە ارىپتەستەرىمەن قارىم-قاتىناستا سىپايىلىق پەن ادەپتىلىك تانىتۋ. شارا بارىسىندا مەملەكەتتىك قىزمەت كورسەتۋ ساپاسىن ارتتىرۋ بويىنشا تۇراقتى تۇردە شارالار قابىلداۋ قاجەتتىگى ايتىلدى. الماتى وڭىرلىك گارنيزونى اسكەري پوليسيا جاساعىنىڭ وكىلى و.مۋساكۋلوۆ قازاقستان رەسپۋبليكاسىنىڭ مەملەكەتتىك قىزمەت، سىبايلاس جەمقورلىققا قارسى ءىس-قيمىل سالاسىنداعى زاڭناماسىنىڭ، سونداي-اق ادەپ كودەكسىنىڭ نورمالارىن ءتۇسىندىردى.

سونىمەن قاتار، الماتى قالاسىگىڭ قورعانىس ىستەرى جونىندەگى دەپارتامەنتىندە قىزمەتتىك ادەپ نورمالارىنىڭ ساقتالۋىن، سونداي-اق ۇجىمداعى مورالدىق-پسيحولوگيالىق احۋالدىڭ جاي-كۇيىن مونيتورينگتەۋ ماقساتىندا جارتى جىلدا ءبىر رەت ءانونيمدى ساۋالناما جۇرگىزىلەدى. ءسوز سوڭىندا ايتارىمىز، ادەپ كودەكسى مەملەكەتتىك قىزمەتشىنىڭ مورالدىق-ادەپتىلىك بەينەسىن جوعارى قوياتىن جانە ۇجىم اراسىنداعى قارىم-قاتىناستى رەتتەيتىن بىرلەن-بىر قۇجات.