وسكەمەندە ماسكەۋدەن كەلگەن حالىقارالىق دەڭگەيدەگى بەس ترەنەر وبلىستىڭ 272 ينفورماتيكا ءپانىنىڭ مۇعالىمدەرىنە روبوتوتەحنيكا كۋرسىن وتكىزىپ جاتىر.
LEGO Education Russia&CIS كومپانياسىنىڭ جەتەكشى مەنەدجەرى اندرەي لوپۋحين، رەسەي روبوتوتەحنيكا اسسوسياسياسىنىڭ پرەزيدەنتى ماكسيم ۆاسيليەۆ جانە باسقا دا ترەنەرلەر وڭىرىمىزدەگى مەكتەپ ۇستازدارىنا روبوتوتەحنيكا ءپانىنىڭ ءبىلىم نەگىزدەرى مەن جوبالاردى ۇلگىلەۋ، روبوت قۇراستىرۋ، باعدارلامالاۋ باعىتتارىن ۇيرەتۋدە.
«شىعىس» وڭىرلىك ورتالىعىنىڭ باسشىسى مۇڭلىق اسانوۆانىڭ ايتۋىنشا، التى كۇن بويى وتەتىن كۋرسقا وڭىرىمىزدەگى تولىق جيىنتىقتى مەكتەپتەردىڭ مۇعالىمدەرى قاتىسىپ وتىر.
ايتا كەتسەك، بىلتىر وبلىس اكىمى دانيال احمەتوۆتىڭ باستاماسىمەن وتكەن «مەنىڭ مەكتەبىم» جوباسى اياسىندا «پارىز» قورىنا دەمەۋشىلەردىڭ كومەگىمەن قوماقتى قاراجات جينالىپ، سونىڭ ناتيجەسىندە قالاداعى عانا ەمەس، اۋىلدارداعى مەكتەپتەردە دە روبوتوتەحنيكا كابينەتتەرى اشىلىپ، قاجەتتى جيھازدارمەن، قۇرال-جابدىقتارمەن قامتىلعان ەدى. الداعى قىركۇيەكتەن باستاپ وقۋشىلار وسى كابينەتتەردىڭ يگىلىگىن كورەتىن بولادى.
