قالامىزداعى اباي اتىنداعى امبەباپ كىتاپحاناسىندا «رۋحاني جاڭعىرۋ» باعدارلاماسىن جۇزەگە اسىرۋ اياسىندا بالالارعا ارنالعان «شىعىس قازاقستاننىڭ اڭىزدارى مەن ەرتەگىلەرى» اتتى كىتابىنىڭ ەلەكتروندىق نۇسقاسى جارىق كوردى.
كىتاپتىڭ نەگىزگى ەرەكشەلىگىنىڭ ءبىرى- باسىلىم بەتتەرىندە يلليۋستراسيا رەتىندە قولدانىلعان بارلىق سۋرەتتەردىڭ اۆتورى مەكتەپ جاسىنداعى بالالار بولىپ تابىلادى.

كەز كەلگەن ادامدى بەي-جاي قالدىرمايتىن تۋىندى دا شىعىس جەرىنىڭ كيەلى مەكەندەرى مەن كونە جادىگەرلەرى تۋرالى باياندالعان.

كىتاپقا شىعىس قازاقستان وبلىسىنىڭ 15 كيەلى ورىندارى جايلى اڭىزدار جيناقتالدى. سولاردىڭ ىشىندە، ىرعىزباي اتا كەسەنەسى، قوزى كورپەش-بايان سۇلۋ مازارى، شىلىكتى وبالارى جانە ابلايكيت بەكىنىسى سىندى تاريحي جانە ارحەولوگيالىق ەسكەرتكىشتەر ەنىپ وتىر.

جيىن بارىسىندا شقو تۋريستىك اقپاراتتىق ورتالىعىنىڭ ديرەكتورى سىمبات رامازانوۆ كىتاپقا قىسقاشا شولۋ جاساپ، كوزدىڭ جاۋىن الاتىن ادەمى كورىنىستەردى شىنايى بەينەلەگەن جاس سۋرەتشىلەردى ارنايى ديپلومدارمەن ماراپاتتاپ، باعالى سىيلىقتار تابىس ەتتى.