ق ر ەنەرگەتيكا ۆيسە-مينيسترى باقىتجان جاقسالييەۆ ءۇي قاماۋىنا الىندى. بۇل جايىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى نۇرلان جاحين حابارلادى، دەپ جازادى Qamshy.kz اقپارات اگەنتتىگى.

— اگەنتتىكتىڭ سىبايلاس جەمقورلىققا قارسى ءىس-قيمىل ۇلتتىق بيۋروسىمەن ەنەرگەتيكا ۆيسە-مينيسترى جاقسالييەۆتىڭ  ششۋچينسك-بۋراباي كۋرورتتىق ايماعىنداعى كولدى تازارتۋ بويىنشا جۇمىستاردى قابىلداۋ بارىسىنداعى زاڭعا قايشى ارەكەتتەرى اشكەرەلەندى. كۇدىكتى ۆيسە-مينيستر 2015 جىلى «ايماق ي ك» ج ش س مەردىگەر ۇيىمىنىڭ مۇددەسى ءۇشىن لاۋازىمدىق وكiلەتتiگىن تەرىس پايدالانعان. جاقسالييەۆ ورىندالعان جۇمىستىڭ كولەمى 30 ەسە ارتىق باعالانعانىن بىلە وتىرىپ، جالپى سوماسى 863 ملن تەڭگەنى قۇرايتىن سۋ قويماسىنىڭ تۇبىنەن 109 مىڭ تەكشە مەتر شوگىندىلەردى الۋ تۋرالى اكتىلەرگە قول قويىپ، اتالعان سومانى مەردىگەرگە اۋدارعان»، - دەدى جاحين.