الماتىدا 53 وتباسى قونىس تويىن تويلاماق. كەزەكتى تۇرعان مۇمكىندىگى شەكتەۋلى ازاماتتار، كوپبالالى وتباسىلار، اسكەري قىزمەتشىلەرگە «نۇرلى جەر» باعدارلاماسى اياسىندا پاتەر كىلتى تابىس ەتىلدى.

تۇرعىندار «دۋمان-2» ىقشاماۋدانىنىڭ (مەركۋر-گراد) تۇرعىن ءۇي كەشەنىنەن باسپاناعا قول جەتكىزدى. سالتاناتتى شاراعا تۇرعىندار، قيك وكىلدەرى، ب ا ق وكىلدەرى قاتىستى.

«قازاقستان يپوتەكالىق كومپانياسى» يۇ» اق «ساتىپ الۋ قۇقىعىمەن جالعا بەرىلەتىن تۇرعىن ءۇي» باعىتى بويىنشا بارلىعى 26 ءبىر بولمەلى پاتەر (52،3-61،5 شارشى مەتر)، 27 ەكى بولمەلى پاتەر (76،8-83،9 شارشى مەتر) پايدالانۋعا بەردى. تۇرعىندار  پاتەردىڭ ءار شارشى مەترى ءۇشىن ايىنا 1119،23 تەڭگە تولەيتىن بولادى. 20 جىلدان سوڭ  باسپانا تۇرعىنداردىڭ  مەنشىگىنە بەرىلەدى. نەسيەنى مەرزىمىنەن بۇرىن وتەۋگە رۇقسات ەتىلگەن.

«مەملەكەت باسشىسىنىڭ باستاماسىمەن جۇرگىزىلىپ جاتقان «نۇرلى جەر» باعدارلاماسىمەن 2015-2017 جىلدار اراسىندا  ەلىمىزدە قيك 17 000 استام پاتەردى پايدالانۋعا بەردى. الماتىدا 5000 جۋىق وتباسى باسپانالى بولدى. جاقىندا «جاس قانات» شاعىناۋدانىندا، بەساعاش اۋىلىندا پاتەرلەر بەرىلەدى. قيك باعدارلاماسى ارنايى الەۋمەتتىك جاعىنان از قورعالعان وتباسىلاردى باسپانامەن قامتۋعا باعىتتالعان»، - دەدى «قيك» يۇ» اق باسقارماسى ءتوراعاسىنىڭ ورىنباسارى رۋسلان كاكىم.

«ساتىپ الۋ قۇقىعىمەن جالعا بەرىلەتىن تۇرعىن ءۇي» كوپ بالالى جانە تولىق ەمەس وتباسىلارعا، مۇگەدەك بالالارى بار وتباسىلارعا، مۇگەدەك بالالارى بار نەمەسە ولاردى تاربيەلەۋشى وتباسىلارعا، جەتىم بالالارعا، اتا-اناسىنىڭ قامقورلىعىنسىز قالعان بالالارعا، ورالماندارعا، 1 جانە 2 توپتاعى مۇگەدەكتەرگە، سونداي-اق مەملەكەتتىك قىزمەتشىلەرگە، اسكەري قىزمەتكەرلەرگە، ارنايى مەملەكەتتىك ورگاندار قىزمەتكەرلەرىنە، بيۋدجەتتىك ۇيىمدار قىزمەتكەرلەرىنە ارنالعان.