الماتىدا جىلجىمالى جۇمىسپەن قامتۋ ورتالىعى ادامدار كوپ شوعىرلاناتىن ورىنداردى ارالاپ، تۇرعىندارعا جاڭا جۇمىس ورىندارىن ۇسىنىپ جاتىر.
ەرىكتىلەر ەكى قولعا ءبىر كۇرەك تاپپاي جۇرگەن جانداردان انىقتاما جيناپ، قالالىق جۇمىسپەن قامتۋ ورتالىعىنا تاپسىرادى. ءارى قاراي ولارعا بوس جۇمىس ورىندارى بار مەكەمەلەر وزدەرى حابارلاسادى. مىسالى، جىلجىمالى ورتالىق جىل باسىنان بەرى جۇمىس ىزدەگەن 600 ادامدى تىركەگەن. وعان قوسا 2 مىڭ تۇرعىنعا كەڭەس بەردى. ورتالىق جىل بويى قالا اۋماعىن ارالاپ، جۇمىسسىز جاستارعا قولداۋ كورسەتەدى.
“ءبىز جۇمىس ىزدەپ جۇرگەن تۇرعىندارعا كەڭەس بەرىپ، ولاردىڭ انىقتاماسىن قابىلداپ الامىز. سونىمەن قاتار مۇندا جۇمىسپەن قامتۋ ورتالىعىنىڭ ماماندارى بولادى. ولار قازىرگى كەزدە قانداي ماماندىقتارعا سۇرانىس بار نەمەسە قانداي سالا بويىنشا بوس ورىندار بار ەكەنى تۋرالى اقپارات بەرەدى”، – دەدى قالالىق جاستار ساياساتىن دامىتۋ مەملەكەتتىك قورىنىڭ ديرەكتورى الما اۋعانبايەۆا.
