اقش پرەزيدەنتى دونالد ترامپ Reuter اگەنتتىگىنە سۇقبات بەردى. سۇقباتتا ترامپ الەمدىك ساياسي جانە ەكونوميكالىق ماسەلەلەر مەن دوللاردىڭ باعامى تۋرالى پىكىر ءبىلدىردى دەپ حابارلايدى Qamshy.kz اقپارات اگەنتتىگى. اتالعان سۇقباتتا ترامپ تۇركيالىقتاردىڭ دوللارعا قاتىستى ىس-ارەكەتىن وتە ايانىشتى دەپ باعالادى.

«ءقازىر مەن بۇل مەملەكەتتى ايايمىن. ولاردىڭ دوللارعا قارسىلىق ءبىلدىرۋى جانە اقش ەلشىسىن قاماۋعا الۋى ورەسكەل قاتەلىك بولدى. ەندى شەگىنۋگە جول جوق. ال اقش ەلشىسى برانسون ءبىزدىڭ پاتريوتىمىز بولىپ قالا بەرمەك. تۇركيانىڭ ەكونوميكالىق جاعدايى مەنى الاڭداتپايدى جانە ماعان ەش قاتىسى جوق.  ازىرگە سانكسيا ماسەلەسى تۋرالى ناقتى پىكىر بىلدىرمەيمىن. مەن تۇركيانى جاقسى كورەمىن! تۇركياداعى قاراپايىم حالىق ماعان ۇنايدى. ەردوعانمەن دە جاقسى ساياسي قارىم قاتىناستا بولعانبىز، ءبىراق بۇل ءبىرجاقتى كەلىسسوزدىڭ بولاتىنىن بىلدىرمەيدى»، — دەيدى ترامپ.

سۇقبات بارىسىندا دونالد ترامپ تۇرىك ليراسىنىڭ 38%-عا قۇنسىزدانعانىن ەسكەرتە كەتتى. سونىمەن بىرگە كاتار مەن تۇركيانىڭ ءوزارا ۆاليۋتا ايىرباستاۋ تۋرالى كەلىسىمى ەردوعان ءۇشىن قۋانىشتى جاڭالىق ەكەنىن، الايدا بۇل قۋانىشتىڭ ۇزاققا سوزىلمايتىنىن ايتتى. سەبەبى الداعى ۋاقىتتا دوللار باعامىنىڭ جان جاقتى قىسپاققا الۋى ەردوعاننىڭ قۋانىشىن سۋ سەپكەندەي باسادى-مىس.