الماتىدا جاڭا فونتاندار سالىنىپ، كوشە جيھازدارى مەن قوسىمشا شامدار ورناتىلادى.
ءبىرىنشى قىركۇيەكتەن باستاپ الماتىدا بەس جاڭا سۋبۇرقاق پايدا بولادى. ولاردىڭ كەيبىرى قايتا قالپىنا كەلتىرىلەتىن ەسكى فونتاندار.
سونىمەن قاتار، جاڭا كوشە جيھازدارى مەن ەدەن شامدارى ورناتىلماق. بيىل دوستىق، اباي، ابىلاي حان داڭعىلىندارىنعى جاياۋ جۇرگىنشىلەر جولاعى جاڭا كەيىپكە ەنبەك. جوندەۋ جۇمىستارى جاز بويى قارقىندى جۇرگىزىلدى. ءقازىر مەردىگەر مەكەمەنىڭ قۇرىلىسشىلارى تاستاردى توسەپ جاتىر.
«رەسپۋبليكا سارايىنىڭ الاڭىندا ۇلكەن فونتان بولادى، ياعني ەكى سۋبۇرقاق قايتا جاڭعىرتىلىپ، ورتاسىنا ءبىر ۇلكەن فونتان ورناتىلادى. نەگە دەسەڭىز، ول جەردەگى الاڭنىڭ اۋماعى وتە كەڭ»، – دەپ ءتۇسىندىرىپ ءوتتى الماتى قالاسى ساۋلەت جانە قالا قۇرىلىسى باسقارماسى باسشىسىنىڭ ورىنباسارى الماسحان احمەدجانوۆ.
ابىلاي حان مەن شيەۆچەنكو كوشەلەرىنىڭ قيىلىسىنا دا جاڭا سۋبۇرقاق ورناتىلادى. بۇل اۋماقتا كوگالداندىرۋ جۇمىستارى جۇرگىزىلىپ، جارىقتاندىرىلادى.
سونىمەن قاتار، «الماتى-2» تەمىرجول ۆوكزالى، ابىلاي حان داڭعىلىنىڭ مامەتوۆا جانە قابانباي باتىر كوشەلەرىمەن قيىلىستارىندا دا ءدال سونداي جۇمىستار جۇرگىزىلمەك.
ال ەلىمىزدە شىعارىلاتىن كوشە جيھازدارى تامىز ايىنىڭ ورتاسىندا الماتى كوشەلەرىنە ورناتىلا باستايدى.
