ەندى Activ ابونەنتتەرىنىڭ تۇتىنۋشىلارى «قازپوشتا» اق 3400 بولىمشەسىندە ءوز ءموبيلدى نومىرلەرىنىڭ تەڭگەرىمىن قولما-قول اقشا قىلىپ الۋعا مۇمكىندىك تۋدى.

قازاقستاندا بەلگىلى Kcell ءموبيلدى ابونەنتى قارجىلىق قىزمەتتەردى دامىتۋدى ودان ءارى جالعاستىرۋدا.

ەستەرىڭىزدە بولسا، Kcell 2015 جىلدان باستاپ نارىق ءۇشىن ءموبيلدى قارجىلىق سەرۆيستەردى بەلسەندى دامىتىپ كەلەدى. قازىرگى ۋاقىتتا كومپانيا ابونەنتتەرىنە ءموبيلدى نومىرلەردىڭ تەڭگەرىمىنەن ءتۇرلى تاۋارلاردى، ويىن-ساۋىق ءىس-شارالارىنا بيلەتتەردى ساتىپ الۋعا جانە اۆتوتۇراق پەن الماتىداعى قوعامدىق كولىكتەردەگى جولاقىنى تولەۋگە مۇمكىندىك بەرەدى.

Mobi Money پورتالى ارقىلى تاۋارلاردى ساتىپ الۋعا، قىزمەتتەردى تولەۋگە، ونلاين ويىندار ءۇشىن تولەمدەر جاساۋعا بولادى. ەندى Activ ابونەنتتەرىندە «قازپوشتا» اق 3400 بولىمشەسىندە ءوز ۇيالى نومىرلەرىنىڭ تەڭگەرىمىنەن اقشا قاراجاتىن الۋ مۇمكىندىگىن ەنگىزىپ جاتىر.

«ءبىز Kcell برەندىن پايدالانۋشىلار ءۇشىن ءموبيلدى بالانستان تاۋارلار مەن قىزمەتتەردى تولەۋدى ەنگىزۋ ءۇشىن ۇلكەن جۇمىس جۇرگىزدىك.  Kcell جانە Activ كليەنتتەرىنە ەكى ءتۇرلى بيللينگ-جۇيە (ابونەنتتىك نومىرلەرگە تەحنيكالىق قىزمەت كورسەتۋگە ارنالعان باعدارلامالىق قامتاماسىز ەتۋ) قىزمەت كورسەتىلەدى، سوندىقتان بىزگە كومپانيانىڭ بارلىق ابونەنتتەرى ءۇشىن ءموبيلدى قارجى قىزمەتتەرىن بىرتىندەپ ىسكە قوسۋ ءۇشىن ۋاقىت قاجەت بولدى. ەندى ءبىزدىڭ بارلىق تۇتىنۋشىلارىمىز Mobimoney.kz قارجى پورتالىنان SMS ارقىلى ءتۇرلى قىزمەتتەر مەن تاۋارلاردى تولەي وتىرىپ، ءموبيلدى تەڭگەرىمدى پايدالانا الادى. تۇتىنۋشىلارىمىزعا وسىنداي مۇمكىندىك سييلاعانىمىزعا قۋانىشتىمىز» – دەدى «Kcell» اق اتقارۋشى ديرەكتورى ارتي وتس.

Kcellء-دىڭ قولجەتىمدى تولەمدەر مەن كومپانيا سەرىكتەستەرىنىڭ ءتىزىمى Mobimoney.kz سايتىنان كورۋگە بولادى.