بۇگىن تۇركىستان وبلىسىنىڭ اكىمى جانسەيىت تۇيمەبايەۆ جۇمىس ساپارىمەن سارىاعاش اۋدانىنا باردى. الدىمەن «جىبەك جولى» كەدەن بەكەتىنىڭ جۇمىسىمەن تانىسقان ءوڭىر باسشىسى ودان كەيىن جىبەك جولى اۋىلدىق وكرۋگىندەگى «بەس جۇلدىز» بالاباقشاسىنا كەلدى. جەكە كاسىپكەر گ.گۋلاموۆانىڭ يەلىگىندەگى بالاباقشاعا 1،1 ملرد. تەڭگە كولەمىندە ينۆەستيسيا تارتىلعان. ءقازىر 450 بالا تاربيەلەنىپ جاتىر. الپىس ادام تۇراقتى جۇمىسپەن قامتىلعان. وبلىس اكىمى بالالارعا بازارلىق ۇسىنىپ، بالاباقشا ۇجىمىنىڭ قادامىن وڭ باعالادى.

ودان كەيىن ج.تۇيمەبايەۆ قاپلانبەك اۋىلدىق وكرۋگىندە ورنالاسقان «جاباي اتا» شارۋا قوجالىعىنىڭ جىلىجاي كەشەنىندە بولدى. مۇندا كوكونىس وسىرۋدە وزىق تەحنولوگيالار قولدانىلعان. قۇنى 1،8 ملرد. تەڭگە بولاتىن جوبا بويىنشا 15 گەكتار جەرگە قىزاناق پەن قيار ەگىلگەن. شارۋا قوجالىعىندا 75 ادام تۇراقتى جۇمىسپەن قامتىلعان. جۇمىسشىلارمەن تىلدەسكەن ج.تۇيمەبايەۆ «بۇرىن جوعارى تەحنولوگيالار قولدانىلعان جىلىجايلار شەتەلدە عانا بولۋشى ەدى، ءقازىر سارىاعاشتا دا بار. وبلىستاعى جىلىجايلاردىڭ 50 پايىزعا جۋىعى وسى اۋداندا شوعىرلانعان. بۇل جونىنەن سارىاعاش وزگەلەرگە ۇلگى بولا الادى. ەلباسىمىز تۇركىستان وبلىسىنىڭ ديقاندارىنا بۇكىل قازاقستاندى جەمىس-جيدەك پەن كوكونىسپەن تولىق قامتۋ جونىندە تاپسىرما بەردى. بۇگىندە مەملەكەت باسشىسىنىڭ تاپسىرماسىمەن شارۋالارعا ءتۇرلى جەڭىلدىكتەر جاسالىپ جاتىر. ناتيجەسىندە بۇرىن شەتەلدەن تاسىمالداناتىن جەمىستەر مەن كوكونىستەر وزىمىزدە شىعارىلۋدا. سوندىقتان وسى باعىتتا جۇمىستى كۇشەيتە بەرەمىز. مەملەكەت تاراپىنان قولداۋ بولادى» دەدى.

حالىق تىعىز ورنالاسقان سارىاعاشتا سپورت سالاسىن دامىتۋ ماڭىزدى. وسىنى ەسكەرگەن جەرگىلىكتى بيلىك قاپلانبەك اۋىل وكرۋگىندە «قاپلانبەك» سپورت كەشەنىن اشقان. مۇندا 90 بالا كاراتە، تاەكۆوندو، اۋىر اتلەتيكا جانە شاعىن فۋتبولمەن شۇعىلدانادى. ولاردى 7 باپكەر باپتايدى. سپورتتىڭ دەنساۋلىق كەپىلى ەكەنىنە توقتالعان وبلىس اكىمى مۇنان سوڭ سارىاعاش اۋداندىق ورتالىق اۋرۋحاناسىنا اتباسىن بۇردى. جاڭادان ورناتىلعان كومپيۋتەرلىك توموگرافيانىڭ جۇمىسىمەن تانىسىپ، توموگرافيا ورتالىعىن سالاناتتى تۇردە اشىپ بەرىپ، سارىاعاشتىق دارىگەرلەرگە 3 اۆتوكولىكتىڭ كىلتىن تاپسىردى. بۇل يگىلىكتى ىستەردىڭ ءبارى ەلباسىنىڭ مەديسينا سالاسىنا جاساعان قولداۋىنىڭ تاتيجەسىندە بولىپ جاتقانىن تىلگە تيەك ەتكەن ءوڭىر باسشىسى اۋرۋحانا ۇجىمىنا ساتتىلىك تىلەدى. زاماناۋي قۇرىلعى ارقىلى باس ميدىڭ قان اينالىمدارى اۋرۋلارىن، ىسىك جانە ىشكى قۇرىلىستاعى اۋىتقۋلار مەن سۇيەك جاراقاتتارىن انىقتايدى.   جۇمىس ساپارى سوڭىندا وبلىس اكىمى سارىعاش اۋدانى، داربازا اۋىلدىق وكرۋگىندە ورنالاسقان «اي-مەيىرىم» بالاباقشاسىنىڭ اشىلۋ سالتاناتىنا قاتىستى. مەملەكەت پەن جەكەمەنشىك ارىپتەستىگى اياسىندا سالىنعان بالاباقشادا 75 بالا تاريبەلەنەدى. نىساندى سالۋعا جانە اشۋعا 178 ملن. تەڭگە ينۆەستيسيا تارتىلعان. ءقازىر بۇل مەكەمەدە 28 ادام تۇراقتى جۇمىس ىستەپ ءجۇر. بالاباقشانى اشىپ بەرگەن ج.قانسەيىت ۇلى مەملەكەت تاراپىنان ءبىلىم سالاسىنا ايرىقشا قامقورلىق كورسەتىلىپ جاتقانىنا توقتالىپ، تۇرعىنداردى قۋانىشتى وقيعامەن قۇتتىقتادى. بۇگىندە سارىاعاش اۋدانىندا 203 بالاباقشا جۇمىس ىستەپ تۇر. الداعى ۋاقىتتا دا مەكتەپكە دەيىنگى ءبىلىم بەرۋ مەكەمەلەرىنىڭ سانى ارتادى دەگەن بولجام بار.