باعدارلاما الەۋمەتتىك كاسىپكەرلىكپەن اينالىسامىن دەۋشىلەرگە 1،5-3 ملن تەڭگە ارالىعىندا 5 جىلعا پايىزسىز قارىز بەرەدى. «جارقىرا» باعدارلاماسى 2019 جىلى ماڭعىستاۋ ءوڭىرىن قامتىپ، اقتاۋ، فورت-شيەۆچەنكو قالالارى مەن باۋتينو، بورانقۇل ەلدى مەكەندەرىندە ىسكە اسادى دەپ جوسپارلانعان.

باعدارلامانىڭ ايماقتىق ۇيلەستىرۋشىسى اسقار سەكەربايەۆتىڭ ايتۋىنشا، باعدارلاما ورتا ازيانى دامىتۋ قورى مەن «تەڭىزشيەۆرويل» ءجشس-نىڭ قارجىلاي قولداۋىمەن جۇزەگە اسىپ كەلەدى. ماقساتى — قوعامنىڭ الەۋمەتتىك، ەكونوميكالىق جانە ەكولوگيالىق ماسەلەلەرىنە تۇراقتى كاسىپكەرلىك شەشىمدەردى ۇسىنۋعا باعىتتالعان يننوۆاسيالىق الەۋمەتتىك باستامالارعا سەرپىن بەرۋ.

«بۇل جوبا وتە ءتيىمدى. ءقازىر ۇسىنىلىپ جاتقان گرانتتاردىڭ ىشىندە ەڭ جوعارعى قارجى بولىپ سانالادى. كوبىنە ۇلكەن كولەمدەگى قارجىلار نەسيەگە بەرىلەدى. ماڭعىستاۋلىقتارعا قور قاراجاتى جاڭاشا باعىتتا كاسىپ دامىتۋعا سەپتىگىن تيگىزەتىنىنە سەنىم ارتامىن»، — دەدى وڭىرلىك كاسىپكەرلەر پالاتاسىنىڭ ديرەكتورى نۇربەك قاراسايەۆ.

بۇل باعدارلاما 2016-2018 جىلدار ارالىعىندا اتىراۋ قالاسىندا جۇزەگە استى. وتكەن جىلدىڭ وزىندە 7 الەۋمەتتىك-كاسىپكەرلىك 62 مىڭ دوللاردان استام قارجى بولىنگەن ەكەن.

«جارقىرا» باعدارلاماسىنىڭ ءبىر ەرەكشەلىگى — قاتىسۋشىلاردىڭ جاسىنا شەكتەۋ قويىلماۋى. باعدارلاما ەكى كەزەڭنەن تۇرادى جانە ۇيرەنۋ تالاپتارى قاراپايىم. ءبىرىنشى كەزەڭ – الەۋمەتتىك يدەيالاردى ىرىكتەۋ، ەكىنشى كەزەڭ- قاتىسۋشىلاردى تانىستىرۋ، سەمينار مەن دارىستەر وقۋ. سونداي-اق تاعىلىمدامادان ءوتىپ، كەڭەس بەرىلىپ، بيزنەس-جوبالارىن قورعاۋ.

mangystaumedia.kz مالىمەتىنشە، باعدارلاما ارقىلى الەۋمەتتىك كاسىپكەرلەر قوردان جىل سايىن قارجىلاي قولداۋ الۋىنا بولادى. «جارقىرا» مىناداي باعىتتار بويىنشا جوبالاردى قولدايدى:

*بالالار مەن جاستار

*دەنساۋلىق ساقتاۋ

*ءبىلىم بەرۋ حالىق داستۇرلەرىن جانداندىرۋ

*ەكولوگيا سپورت مادەنيەت جانە ونەر

*وسال ادامدارعا قولداۋ كورسەتۋ: جالعىز، مۇگەدەكتەر، قارتتار، ورالماندار جانە ت.ب.

الەۋمەتتىك كاسىپكەرلىك — قوعامنىڭ وزەكتى ماسەلەلەرىن يننوۆاسيالىق جولمەن شەشۋگە كومەكتەسەتىن الەۋمەتتىك ميسسياسى بار بيزنەس. سوندىقتان دا بۇل باعدارلاما كوپشىلىكتىڭ قىزىعۋشىلىعىن تۋعىزىپ وتىر. باعدارلامانى جۇيەلى جۇرگىزۋ ءۇشىن ماڭعىستاۋ وبلىسى كاسىپكەرلەر پالاتاسى مەن ەۋرازيا ورتا ازيا قورى اراسىندا تۇسىنىستىك جونىندەگى مەموراندۋمعا قول قويىلدى.

ايتا كەتەيىك، وسى باعىتتاعى جۇمىستار 23 قازان فورت-شيەۆچەنكو قالاسى، باۋتينو ەلدىمەكەنى، 24-25 قازان اقتاۋ قالاسى، 29 قازان بورانقۇل اۋىلىندا باستالادى.