ماڭعىستاۋدا وبلىس اكىمى ەرالى توعجانوۆتىڭ قاتىسۋىمەن «جومارت جۇرەك» سىيلىعىنىڭ لاۋرەاتتارىن سالتاناتتى قۇتتىقتاۋ ءراسىمى ءوتتى.

ماڭعىستاۋ وبلىسىندا جەرگىلىكتى كاسىپكەرلەردىڭ ەڭبەگى مەن ءوز ءوڭىرىنىڭ وركەندەۋىنە ۇلەس قوسىپ جۇرگەن جۇمىستارىن باعالاپ 2ء-شى جىل قاتارىنان قورىتىندى جاساۋدا.

«اتامەكەن» باعدارلاماسى بويىنشا اعىمداعى جىلدىڭ باستاپقى 10 ايىندا جوسپارلانعان 85 ءىس-شارانىڭ 39 جوباسى مەسەناتتاردىڭ كومەگىمەن ىسكە اسىرىلدى. وبلىس بويىنشا، 12 سپورت كەشەندەرى مەن الاڭدارى، 4 مەكتەپ جانىندا جىلىجايلار، 100 ورىندىق وتباسىلىق جاتاقحانا سالىندى، مۇمكىندىگى شەكتەۋلى ادامدار ءۇشىن 11 پاتەر بەرىلدى، 18 تۇرعىن ۇيلەر جوندەلدى جانە 4 بالالار ويىن الاڭى سالىندى.

سونىمەن قاتار، 2018 جىلى تاعى 40 جوبانى ىسكە اسىرۋ باستالدى، ، جالپى سوماسى 14 ملرد. 785 ملن. 060 مىڭ تەڭگە. جىلدىڭ سوڭىنا دەيىن 22 جوبا اياقتالادى دەپ كۇتىلۋدە.

وبلىس اكىمى ەرالى توعجانوۆ ماڭعىستاۋىمىزدىڭ دامۋىنا بەلسەندى ۇلەس قوسقان ۇزدىك مەسەناتتاردى ماراپاتتادى.

«ەلباسىمىز نۇرسۇلتان نازاربايەۆتىڭ  «قازاقستاندىقتاردىڭ ءال-اۋقاتىنىڭ ءوسۋى:» جاڭا جولداۋىندا اتاپ وتكەندەي، قازاقستاندىقتاردىڭ ءال-اۋقاتى ەڭ الدىمەن تۇراقتى ءال-اۋقاتىنىڭ ءوسۋى مەن تۇرمىس ساپاسىن ارتتىرۋىنا بايلانىستى. مەن بۇگىن وسىندا تەك قانا ايماق ەمەس، بۇكىل ەلگە وڭ ىقپال ەتىپ، حالىقتىڭ ءومىر ءسۇرۋ دەڭگەيىن جاقسارتۋعا زور ۇلەس قوسىپ جۇرگەن ادامدار قاتىسۋدا. ادامداردىڭ ءومىر ءسۇرۋ ساپاسى جاقسارعاندا كەزدە، ولاردىڭ ساناسى دا وزگەرەدى. وسى جاعدايدا بىزگە ءبىزدىڭ كاسىپكەرلەر باعا جەتپەس كومەك كورسەتە الادى. سىزدەردىڭ كومەك جانە قولداۋلارىڭىزدىڭ ارقاسىندا، ءبىز 2019-2020 جىلدارى تاعى 29 جوبانى ىسكە اسىرۋعا جوسپارلادىق، جالپى سوماسى 13،5 ملرد. تەڭگە.  اقتاۋ قالاسىندا سپورت سارايىنىڭ قۇرىلىسى، جاڭاوزەندە 59 ءۇيدى جوندەۋ، بەينەۋدە 160 ورىندىق سپورت كەشەن قۇرىلىسىن سالۋ، مۇنايلى اۋدانىندا كىتاپحانا مەن مادەنيەت ءۇيىنىڭ قۇرىلىسى جانە تاعى باسقا قۇرىلىستاردى سالۋ جوسپارلانۋدا»، - دەدى وبلىس اكىمى ەرالى توعجانوۆ.

«جىل مەسەناتى» نوميناسياسىمەن ەسەنگەلدين ساكەن ەسەنگەلدى ۇلى جانە كەرەلبايەۆ اسقاربەك سايىن ۇلى مەن ماراپاتتالدى.

«تۋعان ولكە» نوميناسياسى  لەسبايەۆ مۇحات بەردىبەك ۇلى، تابىلدييەۆ دۇيسەباي امانحان ۇلى جانە مۇڭالبايەۆ سۇڭعات اڭشىبايۇلىنا تابىستالدى.

     بەلسەندى ازاماتتىق ۇستانىمى، ءارتۇرلى باعىتتاعى كەڭ اۋقىمدى قايىرىمدىلىق قىزمەتتى جۇزەگە اسىرعانى ءۇشىن «جىل تۇلعاسى» نوميناسياسىن شاكەنوۆا دامەتكەن اساباي قىزى، بيمىرزايەۆ يسا يبرايىم ۇلى جانە  ورىسبايەۆ اببات جاڭگىرحان ۇلى يەلەندى.

     الەۋمەتتىك ماڭىزى بار جوبالاردى، قايىرىمدىلىق جوبالاردى ىسكە اسىرۋدا باس دەمەۋشلىك جاساعانى ءۇشىن «ۇزدىك ۇيىم» نوميناسياسىمەن  قوجانەپەسوۆ باقىتجان  ماتكەرەي ۇلى، جولدىبايەۆ اسىلبەك تۇرار ۇلى جانە ءابدىراحمان قۋانىشبەك سپان ۇلى ماراپاتتالدى.

      ۆولونتەرلىك قىزمەتتەرگە بەلسەندى قاتىسقانى ءۇشىن «ەرەن  ەرىكتىلىگى» نوميناسياسىمەن  وگاي انتونينا ۆياچەسلاۆوۆنا، مۋرادوۆا ءسانىم ءىزباسار قىزى جانە  «ۇممەت جاستارى» قوعامدىق ۇيىمى ماراپاتتالدى.