الماتىدا «Smart City» جوباسى اياسىندا يتالياندىق ينۆەستيسيا ەسەبىنەن ەلىمىزدەگى ەڭ ءىرى «Anytime» كارشەرينگ-سەرۆيسى اشىلدى. جۇمىس ساپارى كەزىندە مەگاپوليس اكىمى باۋىرجان بايبەك ءاۆتوموبيلدى مينۋت سايىن جالعا الۋعا بولاتىن جاڭا جوبانىڭ جۇيەسىمەن تانىستى.

«ميكرو كاپيتال» حالىقارالىق حولدينگىنىڭ پرەزيدەنتى تراني ۆينچەنسو ءوزىنىڭ سوزىندە بۇل جوبانىڭ جاڭا تەحنولوگيانى ۇتىمدى پايدالانۋدىڭ جارقىن ۇلگىسى ەكەنىن، سونىڭ ارقاسىندا قالا تۇرعىندارى ۋاقىتتارى مەن قارجىلارىن ۇنەمدەيتىنىن ءارى مەگاپوليستىڭ جول- كولىك ينفراقۇرىلىمىندا جۇكتەمەنى تومەندەتەتىنىن اتاپ ءوتتى.

«ءبىز الماتىدا جاياۋ جۇرگىنشى ينفراقۇرىلىمىنڭ جاڭارعانىن، كولىك رەفورماسىنىڭ جۇزەگە اسقانىن، بيزنەستى دامىتۋ ءۇشىن بارلىق جاعدايلاردىڭ جاسالىپ جاتقانىن، قالا تۇرعىندارىنىڭ تۇرمىس دەڭگەيىنىڭ ارتا تۇسكەنىن كورۋدەمىز. ءبىزدىڭ ءموبيلدى قوسىمشامىز ارقىلى بوس تۇرعان اۆتوموبيلگە اقى تولەپ، الماتىلىق اگلومەراسيا اۋماعىندا كولىكتى ءتيىمدى پايدالانۋعا بولادى. سەرۆيس كليەنتتەرى كولىككە ماي قۇيمايدى، جۋمايدى، تۇراققا اقشا تولەمەيدى، بەلگىلى ءبىر جەرگە قالدىرىپ كەتە المايدى»، - دەدى تراني ۆينچەنسو.

مىسالى، جالعا العان كولىكپەن تەك قالا ىشىندە عانا ەمەس، نەگىزگى تۋريستىك دەستيناسيالارعا، مەدەۋگە، ءۇاو، ءتىپتى قاپشاعايعا دەيىن بارۋعا بولادى. اۆتوموبيلدە اۆتوماتتى قوسىلعىش، ارتقى كورىنىستىك كامەرا، ناۆيگاتور جانە كليمات رەتتەۋشى بار.

قازىرگى كەزدە جوباعا 4 ميلليون ەۆرو ينۆەستيسيا جۇمسالعان، «Volkswagen Polي» ماركالى 100 اۆتوموبيل دايىن تۇر ءارى جاڭا جۇمىس ورىندارى اشىلاتىن بولادى.«الماتىدا ورتاشا جالاقىسى 300 مىڭ تەڭگە بولاتىن 50 جەرگىلىكتى مامان جۇمىسقا تارتىلدى. جاس ءارى وتە دارىندى، «بولاشاق» باعدارلاماسىنىڭ تۇلەگى، كەزىندە «Uber» كومپانياسىندا ىستەگەن مۇحيت سەيداحمەتوۆتى ەرەكشە اتاپ وتكىم كەلەدى. ول مەنىڭ ورىنباسارىم، بارلىق وڭىرلەردەگى بيزنەستىڭ دامۋىنا جاۋاپ بەرەدى. الماتىدا قالانى ترانسفورماسيالاۋ اياسىندا جاياۋ جۇرگىنشى جانە ۆەلوسيپەد ينفراقۇرىلىمى جاسالعاندىقتان كومپانيەي كەلەسى جىلدان باستاپ ەلەكترلى ساموكاتتار سەرۆيسىن اشۋدى قاراستىراتىن بولادى»، - دەدى حالىقارالىق «ميكرو كاپيتال» حولدينگىنىڭ پرەزيدەنتى.

ايتا كەتەرلىگى، جاقىندا الماتى كولىك جۇيەسىن كەشەندى رەفورمالاعانى ءۇشىن اقىلدى قالالاردىڭ ەۋروپالىق فورۋمىنىڭ جوعارى ماراپاتىنا يە بولدى.كونكۋرس كوميتەتى الماتىنىڭ كولىك رەفورماسىن جۇيەلى جۇرگىزگەنىن، قوعامدىق كولىكتەگى تابىستىڭ اشىقتىعىنا سيفرلىق تەحنولوگيانى ۇتىمدى پايدالانعانىن، كىرىستى كولەڭكەلى اينالىمنان شىعارعانىن، جاياۋ جۇرگىنشى جانە قوعامدىق كەڭىستىكتى مودەرنيزاسيالاۋ ناتيجەسىندە ەكولوگيانى جاقسارتۋعا باسىمدىق بەرگەنىن جانە باسقا نەگىزگى كريتەرييلەردى جۇزەگە اسىرعانىن اتاپ ءوتتى.

جىل اياعىنا دەيىن قوعامدىق كولىكتىڭ ۇلەسىن 80%-عا دەيىن جەتكىزۋ جوسپارلانعان.