الماتىدا دۇنيەجۇزىلىك دەنساۋلىق ساقتاۋ ۇيىمىنىڭ «سالاۋاتتى قالالار» ەۋروپالىق جەلىسى قالالارى مەرلەرىنىڭ ءسامميتى جۇمىسىن باستادى. 100-دەن استام اكىمشىلىكتەردىڭ، حالىقارالىق ۇيىمدار مەن مەديسينالىق قاۋىمداستىقتىڭ وكىلدەرى باستاپقى مەديسينالىق-سانيتارلىق كومەك كورسەتۋ مەن دەنساۋلىق ساقتاۋ قىزمەتىنە كوپشىلىكتى كەڭىنەن تارتۋداعى قالالاردىڭ ءرولى تۋرالى ماسەلەلەردى تالقىلايدى.

سامميتكە قاتىسۋشىلاردى قۇتتىقتاعان الماتى اكىمى باۋىرجان بايبەك وسىدان 40 جىل بۇرىن قابىلدانعان الماتى دەكلاراسياسىنىڭ ارقاسىندا باستاپقى مەديسينالىق-سانيتارلىق كومەك كورسەتۋ ماسەلەلەرىنىڭ دەنساۋلىق ساقتاۋ جۇيەسىندەگى باستى بۋىنداردىڭ بىرىنە اينالعانىن اتاپ ءوتتى.

«قازىرگى كەزدە ءبىزدىڭ قالادا 650 مەديسينا ۇيىمدارى جۇمىس ىستەيدى، ولاردىڭ 70ء-ى كەڭ ءپروفيلدى ەمحانالار. بارلىق مەملەكەتتىك مەكەمەلەر سيرفلىق فورماتقا كوشكەن جانە زاماناۋي قوندىرعىلارمەن جابدىقتالعان. ەكونوميكانىڭ دامۋى تۇرمىستى تۇزەتتى، ناتيجەسىندە الماتى تۇرعىندارىنىڭ ءومىر ءسۇرۋ جاسى ورتا ازياداعى ەڭ جوعارى كورسەتكىشكە جەتتى. بۇگىنگى كۇنى مەگاپوليس «وڭىرلىك ماگنيتكە»اينالعان، ءومىر ءسۇرۋ، بيزنەستى جۇرگىزۋ، ءبىلىم الۋ ءۇشىن وتە تارتىمدى، ءبىراق جوعارى ميگراسيالىق قىسىمعا دا يە»، - دەدى باۋىرجان بايبەك.

مىسالى، ساراپشىلاردىڭ بولجامى بويىنشا 2035 جىلعا قاراي الماتى تۇرعىندارىنىڭ سانى 3 ملن. ادامنان اسادى دەپ كۇتىلۋدە. ال بۇلاردىڭ بارلىعىن ساپالى جۇمىس ورنىمەن قامتۋ قاجەت، قوعامدىق كولىكتى پيدالاناتىن جولاۋشىلار 4 ەسە، جاياۋ جۇرگىنشىلەر مەن ۆەلوسيپەدشىلەر 3 ەسە كوبەيەدى ەكەن. سوعان قاراماستان، جەكە كولىك سانى 600 مىڭ بولىپ، قازىرگى دەڭگەيىندە قالۋى ءتيىس.

جالپى، الماتى «قالا ادامدار ءۇشىن» ءپرينسيپى بويىنشا جۇيەلى تۇردە مودەرنيزاسيالانۋدا.زالالدى زاتتار كەڭىستىگى تارىلۋدا، قوعامدىق كولىك، زاماناۋي ۆەلوينفراقۇرىلىم جانە باسقالارى دامۋدا.

جاقىن ارادا الماتىداعى جەكە سەكتور گازبەن 100% قامتىلادى. بيىل يتالياندىق تەحنولوگيا بويىنشا قوقىس سۇرىپتايتىن كەشەن جۇمىسىن باستادى، ول قوقىستى ۋتيليزاسيالاۋدا قالانىڭ سۇرانىسىن تۇگەل جابادى.

«يننوۆاسيالىق ەكولوگيالىق ورتانى قالىپتاستىرۋ، وەسر ەلدەرى ۇلگىسىندە ساپالى ءبىلىم مەن دەنساۋلىق ساقتاۋدى جۇزەگە اسىرۋ - ءبىزدىڭ ماڭىزدى مىندەتتەرىمىزدىڭ ءبىرى. وسى ورايدا ساپالى، جوعارى دامىعان مەديسينالىق قىزمەت كورسەتۋدەگى وزگە قالالاردىڭ تاجىريبەلەرى بىزگە وتە قىزىق. مۇنداي كەزدەسۋلەر تاجىريبە الماسۋعا جانە جاڭا يديالاردىڭ ومىرگە كەلۋىنە ىقپال ەتەدى»، - دەپ اتاپ ءوتتى مەگاپوليس اكىمى.

ءوز كەزەگىندە ددۇ-ى ەۋروپالىق بيۋروسىنىڭ وڭىرلىك ديرەكتورى جۋجاننا ياكاب القالى شارانىڭ قالالارداعى دەنساۋلىق ساقتاۋ سالاسىنداعى قيىندىقتاردى جويۋ جولدارىن تاقىلايتىنىن جانە «سالاۋاتتى قالالار» جەلىسى قىزمەتىنىڭ ناقتىلى باعىتتارىن انىقتايتىنىن اتاپ ءوتتى.

«ءبىز ءسامميتتىڭ نەگىزگى باعىتتتارىن ەسكەرەمىز. ونىڭ ۇستىنە ەرتەڭ جەلى قىزمەتىنىڭ جۇزەگە اسۋىنا نيەت ءبىلدىرۋشى مەرلەردىڭ الماتى ۇندەۋى قابىلدانادى. بۇل استانادا قابىلدانانتىن باستاپقى مەديسينالىق- سانيتارلىق كومەك كورسەتۋدىڭ جاھاندىق دەكلاراسياسىنىڭ العاشقى قادامى بولادى. بارلىق كوشباسشىلاردى جەرگىلىكتى جانە جاھاندىق دەڭگەيدە قالالاردىڭ سالاۋاتتى بولاشاعىن قامتاماسىز ەتۋ جولىندا ساياسي كورگەندىك تانىتۋعا شاقىرامىن»، - دەدى ج.ياكاب.

ەكى كۇن ىشىندە سامميت بارىسىندا تانىمال عالىمداردىڭ باياندامالارى تىڭدالادى، اكتۋالدى ماسەلەلەر بويىنشا وتىرىستار جانە ەكى جاقتى كەزدەسۋلەر وتەدى.