الماتى اكىمى باۋىرجان بايبەك جاڭا زەلانديا ەلشىسى يان حيللمەن كەزدەستى. كەزدەسۋ بارىسىندا تاراپتار ساۋدا-كونوميكالىق جانە مادەني-گۋمانيتارلىق بايلانىستاردى نىعايتۋ ماسەلەلەرىن تالقىلادى.

ديپلوماتيالىق ميسسيا باسشىسى ەاەس، قحر مەن ورتا ازيا نارىعىنا جول اشىپ وتىرعان قالانىڭ كولىك-لوگيستيكالىق الەۋەتىن جوعارى باعالادى. ول ءوزىنىڭ سوزىندە گەوگرافيالىق قاشىقتىققا قاراماستان تاراپتاردىڭ ءوزارا ىنتىماقتاستىقتى قالىپتاستىرۋعا مۇمكىندىكتەردىڭ زور ەكەنىن اتاپ ءوتتى.

قازىرگى كەزدە الماتىدا زاماناۋي «اقىلدى» تەحنولوگيالاردى ەنگىزۋگە، «جاسىل» ەكونوميكا يننوۆاسياسىن دامىتۋعا ەرەكشە ءمان بەرىلگەن. ءوز كەزەگىندە جاڭا زەلانديا ەلدەگى ەنەرگيانىڭ 85 پايىزىن قامتيتىن ەنەرگيا كوزدەرىنىڭ تەحنولوگياسىن بەلسەندى تۇردە العا جىلجىتۋدا.

بۇلاردان وزگە،ستارتاپ-كومپانيالاردىڭ قولداۋى ارقاسىندا جاڭا زەلانديا جاڭا تەحنولوگيالاردى شىعارۋدىڭ ءۇشىنشى ءىرى ەكسپورتتىق ستاتياسىنا اينالعان ءارى بۇكىلالەمدىك «Doing Business» بانكىنىڭ رەيتينگى بويىنشا بيزنەستى جەڭىل جۇرگىزۋدىڭ كوشباسشىسى، ال قازاقستان مۇندا 36 ورىندى يەلەنگەن.

«الماتى - سۇلۋ جانە ەرەكشە قالا، ءتۋريزمدى دامىتۋداعى مۇمكىندىگى جوعارى. قالا ورتالىعىنان تاۋشاڭعىسى كۋرورتىنا نەبارى 20-30 مينۋتتا جەتۋگە بولاتىنى تاڭدانارلىق. مەن تۋريزمگە ماماندانعان جاڭازەلانديالىق كومپانيالاردىڭ مۇنداعى اشىق الەۋەتتەرگە قىزىعاتىنىنا سەنىمدىمىن. جاڭا زەلانديا جوعارى تەحنولوگيالى IT-قىزمەتتەردى سىرتقا شىعارادى، بۇل سالادا ءبىز ءوزارا جەمىستى بايلانىستى جۇزەگە اسىرا الامىز»، - دەپ اتاپ ءوتتى يان حيلل.