2018 جىلدىڭ  29-ى قاراشاسى كۇنى استانا قالاسىندا «ەڭبەك نارىعىنىڭ بولاشاعى:جاڭا مۇمكىندىكتەر» فورۋمى وتەدى. فورۋم قازاقستان رەسپۋبليكاسىنىڭ ۇكىمەتى، ەڭبەك جانە حالىقتى الەۋمەتتىك قورعاۋ مينيسترلىگى جانە «شەتەلدىك ينۆەستورلاردىڭ قازاقستاندىق كەڭەسى» قاۋىمداستىعىمەن بىرلەسىپ ۇيىمداستىرىلۋدا.

«ەڭبەك نارىعىنىڭ بولاشاعى: جاڭا مۇمكىندىكتەر» فورۋمى -  4ء-ى وندىرىستىك ريەۆوليۋسيا جاعدايىندا الەمدىك ەڭبەك نارىعىنداعى قارقىندى وزگەرىستەر كونتەكسىندە قازاقستانداعى جۇمىسپەن قامتۋ جانە الەۋمەتتىك  سالانىڭ مۇمكىندىكتەرىن  تالقىلاۋعا ارنالىپ وتىرعان العاشقى تەماتيكالىق الاڭ بولىپ وتىر.

فورۋم بارىسىندا حالىقارالىق جانە قازاقستاندىق ساراپشىلاردىڭ بىرلەسىپ قابىلداعان شەشىمدەرى بويىنشا پىكىر الماسۋ بولادى. ونىڭ ىشىندە قازاقستاندىق ءىرى جۇمىس بەرۋشىلەردىڭ، شەتەلدىك ينۆەستورلاردىڭ، ق ر ۇكىمەتى مۇشەلەرىنىڭ، حالىقارالىق ۇيىمدار مەن كونسالتينگتىك كومپانيالاردىڭ وكىلدەرىنىڭ وي-پىكىرى تىڭدالىپ، تالقىلانادى.

فورۋم جۇمىسىنا قازاقستان رەسپۋبليكاسى ۇكىمەتىنىڭ مۇشەلەرى، ورتالىق جانە جەرگىلىكتى اتقارۋ ورگاندارىنىڭ وكىلدەرى، ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ)، دۇنيەجۇزىلىك بانك، ازيالىق دامۋ بانكى، ەۋرازيالىق  قايتا قۇرۋ جانە دامۋ بانكى، «اتامەكەن» ۇكپ، ءىرى ترانسۇلتتىق جانە قازاقستاندىق كومپانيالاردىڭ، ءىرى كونسالتينگتىك كومپانيالاردىڭ  وكىلدەرى قاتىسادى.

ايتۋلى فورۋمعا قاتىسۋشىلار سانى 300-گە جۋىق بولادى دەپ كۇتىلۋدە.

وتەتىن ورنى: استانا قالاسى، «حيلتون» قوناق ءۇيى (ساۋران كوشەسى، 46)

شارانى وتكىزۋگە «شەتەلدىك ينۆەستورلاردىڭ قازاقستاندىق كەڭەسى»  قاۋىمداستىعىنا مۇشە-كومپانيالار: Shell، ەۋروپالىق قايتا قۇرۋ جانە دامۋ بانكى، Chevron، قازسينك، پوليمەتالل، Polpharma، ERG، KNAUF، Cameco، ازيالىق دامۋ بانكى، انادولۋگرۋپ، سيتيبانك، EY، PwC، تمك، ەني قولداۋ كورسەتۋدە.