4 جەلتوقساندا الماتى قالاسىنىڭ وڭىرلىك كوممۋنيكاسيا قىزمەتى الاڭىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ قاتىسۋىمەن بۇقارالىق اقپارات قۇرالدارىنىڭ وكىلدەرىمەن بريفينگ ءوتتى. بريفينگ بارىسىندا ءمقىسج قارسى ءىس-قيمىل اگەنتتىگىنىڭ الماتى بويىنشا دەپارتامەنت باسشىسى دانيار تاۋمۇرات اتاپ ايتقانداي، مەملەكەتتىك قىزمەتكەرلەردىڭ مۇددەلەرىن قورعاۋ جانە قىزمەت ورنىن اۋىستىرۋدى ازايتۋ ماقساتىندا، قالانىڭ مەملەكەتتىك ورگاندارىمەن بىرلەسىپ، جۇمىس ۋاقىتىنان تىس ەڭبەك ەتۋ فاكتىلەرىن انىقتالدى. ايتا كەتسەك، شۇعىل جانە كولەمدى تاپسىرمالاردى ورىنداۋ، جۇمىس بابىنىڭ قىزمەتشىلەر اراسىندا بىركەلكى ەمەس جۇكتەلۋى جانە ت.ب. سياقتى سەبەپتەر انىقتالعانىن حابارلادى. ءبىرقاتار مەملەكەتتىك ورگانداردا قابىلدانعان شارالار ناتيجەسىندە جۇمىس ۋاقىتىنان ارتىق جۇمىس ىستەگەن قىزمەتكەرلەردىڭ كومپيۋتەرلەرى اۆتوماتتى تۇردە سوندىرىلەدى (ستاتيستيكا دەپارتامەنتى، ەڭبەك جانە الەۋمەتتىك قورعاۋ دەپارتامەنتى جانە ت.ب.)، ال كىرۋدى باقىلاۋ جانە باسقارۋ جۇيەسى(سكۋد) كۇندەلىكتى نەگىزدە مەملەكەتتىك قىزمەتشىلەردىڭ جۇمىس ۋاقىتىنىڭ رەجيمىن مونيتورينگىلەۋگە مۇمكىندىك بەردى.